Explainer : स्वप्नाचं घर की कर्जात अडकलेले आयुष्य? बिल्डरकडून फ्लॅट खरेदी करण्यापूर्वी आर्थिक गणित समजून घ्या

अनेकदा दावा केला जातो की, तुम्ही भाडे भरण्यापेक्षा, स्वत:च्या घरासाठी ईएमआय भरा. परंतु हे अर्ध सत्य आहे. कारण घर खरेदी करताना तुम्ही घरासहित आर्थिक जोखीम देखील विकत घेत असतात. उदा. तुम्ही कर्ज काढून घर खरेदी केलं. काही वर्षांनी तुमची नोकरी गेली, तर तुमच्या 'स्वप्नाचं घराचं' रुपांतर मानसिक आणि आर्थिक ओझ्यामध्ये होते. त्यामुळे फ्लॅट किंवा घर खरेदी करण्यासाठी आर्थिक जोखीम समजून घेतली पाहिजे.