Amravati Robbery News : फिल्मीस्टाइल दरोडा! सोनाराला खाली पाडलं, अंदाजे दीड कोटींचं 800 ग्रॅम सोनं, लाखोंची कॅश लुटली

अमोल घाटरे, अमरावती

अमरावती शहरातील कठोरा रोड परिसरात काल रात्री फिल्मी स्टाईलने सोनारावर दरोडा टाकण्यात आल्याची धक्कादायक घटना घडली. या घटनेत अंदाजे ७०० ते ८०० ग्रॅम सोने आणि १ लाख ७० हजार रुपये रोख रक्कम लंपास करण्यात आली. या घटनेप्रकरणी पोलिसांत तक्रार दाखल करण्यात आली असून पोलीस या घटनेचा शोध घेत आहेत. तसेच या दरोड्यामुळे परिसरात भीतीदायक वातावरण निर्माण झाले आहे.