Gold-Silver Purity: सोने-चांदी किती शुद्ध? तुमच्या मोबाईलद्वारेच ओळखा, कसे ते जाणून घ्या

सोने-चांदी किती शुद्ध?Image Credit source: गुगल

How pure is your Gold or Silver: देशात सोने आणि चांदीच्या किंमतीत सातत्याने वाढत आहेत. या धातुच्या शुद्धतेची तपासणी करणे आवश्यक आहे. अनेकदा चकाकते ते सोने नसते ही म्हण आपल्याला आठवते. कारण सोने शुद्ध नसेल तर आपले मोठे नुकसान होते. पण आता खिशातील मोबाईलद्वारे तुम्हाला सोने आणि चांदीची शुद्धता तपासता येईल. ही प्रक्रिया एकदम सोपी आहे. त्यामुळे तुमची फसवणूक तर केली जात नाही ना हे तुम्हाला तपासता येणार आहे.

सोने आणि चांदीची शुद्धता अशी तपासा

भारतात सोने आणि चांदीची शुद्धता तपासण्यासाठी हॉलमार्किंगची व्यवस्था लागू आहे. त्यावर BIS (Bureau of Indian Standards) चे नियंत्रण असते. हॉलमार्किंगचा मुख्य उद्देश ग्राहकांना शुद्धतेसंबंधीच्या फसवणुकीपासून वाचवणे हे आहे. ही एक सरकारी हमी आहे. त्याआधारे सोने आणि चांदी किती शुद्ध आहे हे तपासले जाते. भारताच्या सोने आणि चांदीच्या बाजारात हॉलमार्किंगला विशेष महत्त्व आहे. हे दोन्ही धातू हॉलमार्किंगच्या परीघात आहेत.

हॉलमार्कचा अर्थ काय?

हॉलमार्क हे एखाद्या दागिन्यातील शुद्ध धातुचे योग्य प्रमाण किती हे सांगते. त्यावर शुद्धतेची मोहर लावते. हे BIS च्या नियमानुसार करण्यात येते. सप्टेंबर 2025 पासून प्रत्येक चांदीच्या दागिन्यावर BIS लोगो, ‘SILVER’ शब्द, त्याची शुद्धता आणि एक युनिक HUID क्रमांक द्यावा लागतो.

सोने आणि चांदीच्या शुद्धतेसाठी ग्रेड

भारताच्या सोन्याच्या दागिन्यांसाठी 6 कॅरेट ग्रेड मान्य आहेत. त्यात 14K (585), 18K (750), 20K (833), 22K (916), 23K (958) आणि 24KS (995) याचा समावेश आहे.

चांदीच्या शुद्धतेसाठी 7 ग्रेड निश्चित

800, 835, 925, 958, 970, 990 और 999

मोबाईलद्वारे अशी तपासा सोन्याची शुद्धता?

BIS ने यासाठी BIS Care App उपलब्ध करून दिले आहे. हॉलमार्क सोने खरेदी करताना या तीन गोष्टी तपासून घेणे आवश्यक आहे. यामध्ये BIS लोगो, कॅरेट/फायननेस ग्रेड (उदा.22K916) आणि 6 अंकांचा अल्फान्यूमेरिक HUID क्रमांक याचा समावेश आहे.

BIS Care ॲपमध्ये ‘Verify HUID’ पर्यायावर जाऊन HUID टाका

हे केल्यावर तुम्हाला सराफाचे नाव, हॉलमार्किंग सेंटर, दागिन्याचा प्रकार आणि हॉलमार्किंगची तारीख समोर येईल

चांदीची शुद्धता अशी ओळखा

चांदीच्या दागिन्यांवर HUID क्रमांक पाहा

BIS Care ॲप डाऊनलोड करा

आता HUID क्रमांक टाकून सविस्तर माहिती तपासा