Parked Car Airbag Deploys Suddenly, Claims 25-Year-Old’s Life.

मुंबई: मीरा रोडवर विचित्र अपघात: पार्क केलेल्या कारमधील एअरबॅग अचानक उघडल्याने २५ वर्षीय तरुणाचा मृत्यू!

Parked Car Airbag Deploys Suddenly, Claims 25-Year-Old’s Life.
मुंबई: मीरा रोड परिसरात एका अत्यंत दुर्दैवी आणि विचित्र अपघातात २५ वर्षीय तरुणाचा मृत्यू झाला आहे. मोहित सोनी असे मृत तरुणाचे नाव असून, तो काशीमीरा येथील 'टियारा हिल्स' इमारतीत राहत होता. गाडी स्थिर असतानाही एअरबॅग अचानक उघडल्याने ही दुर्दैवी घटना घडली.

नेमकी घटना काय?
बुधवारी दुपारी मोहित सोनी हा मीरा रोड परिसरात आपली होंडा कार (क्रमांक MH01AL6301) रस्त्याच्या कडेला पार्क करून त्यात बसला होता. दरम्यान, कोणत्याही कारणाशिवाय आणि पूर्वसूचनेशिवाय गाडीच्या स्टिअरिंगमधील एअरबॅग अचानक उघडली. एअरबॅग उघडताना त्यावरील प्लास्टिकचे कव्हर प्रचंड वेगाने उडाले आणि थेट मोहितच्या मानेच्या उजव्या बाजूला आदळले.

या आघातामुळे मोहितच्या मानेला गंभीर दुखापत झाली आणि गाडीच्या आतच मोठ्या प्रमाणात रक्तस्त्राव झाला. काही काळ ही घटना कोणाच्याही लक्षात आली नाही, कारण गाडी रस्त्याच्या कडेला शांतपणे उभी होती. नंतरच्या काळात ही घटना उघडकीस आल्यावर जखमी मोहितला तातडीने भाईंदर येथील पंडित भीमसेन जोशी शासकीय रुग्णालयात नेण्यात आले, परंतु डॉक्टरांनी तपासणीनंतर त्याला मृत घोषित केले.

 

पोलीस आणि तांत्रिक तपास:
काशीमीरा पोलिसांनी या प्रकरणी अपघाती मृत्यूची नोंद केली आहे. प्राथमिक तपासणीत गाडीला बाहेरून कोणतीही धडक बसल्याचे दिसून आले नाही. संबंधित कार १५ वर्षे जुनी असून तिला वैध फिटनेस सर्टिफिकेट होते, अशी माहिती समोर आली आहे. एअरबॅगमध्ये तांत्रिक बिघाड झाल्याचा संशय व्यक्त केला जात आहे. आता या घटनेचा सविस्तर तांत्रिक तपास करण्यासाठी प्रादेशिक परिवहन विभागाच्या (RTO) अधिकाऱ्यांना पाचारण करण्यात येणार आहे, जेणेकरून एअरबॅग नेमकी का उघडली, याचा उलगडा होऊ शकेल.



महाराष्ट्र

मनोरंजन

विडियो गॅलेरी

Leave a Reply

Your email address will not be published. Required fields are marked *