बदलापूर हादरले! अनैतिक संबंधातून पत्नीची हत्या; नवऱ्याने 'हार्ट अटॅक'चा रचला बनाव, पण पोस्टमॉर्टम रिपोर्टने उघड सत्य!

बदलापूर: बदलापूरमध्ये एका अत्यंत धक्कादायक आणि संतापजनक घटनेने संपूर्ण परिसर हादरून गेला आहे. अनैतिक संबंधांतून एका पतीने आपल्या पत्नीची निर्घृण हत्या करून, तिचा मृत्यू 'हार्ट अटॅक' (हृदयविकाराचा झटका) मुळे झाल्याचा बनाव रचला. मात्र, शवविच्छेदन (Post-mortem) अहवालातून या खुनाचा उलगडा झाला असून, पोलिसांनी पती आणि सासूला बेड्या ठोकल्या आहेत.

 

नेमकी घटना काय?

मृताचे नाव प्राजक्ता मेहेर असे असून, तिचा पती योगेश मेहेर आणि सासू अरुणा मेहेर यांना पोलिसांनी या प्रकरणात अटक केली आहे. योगेशचे गावातीलच एका महिलेसोबत अनैतिक संबंध होते. या कारणावरून पती-पत्नीमध्ये सतत वाद होत असत. योगेश पत्नी प्राजक्तावर घटस्फोटासाठी दबाव टाकत होता, मात्र प्राजक्ताने घटस्फोट घेण्यास स्पष्ट नकार दिला होता.

हत्येचा थरार आणि बनाव:

८ एप्रिल रोजी पती-पत्नीमध्ये कडाक्याचे भांडण झाले. या वादातून योगेशने प्राजक्ताचे नाक-तोंड दाबून तिची निर्घृण हत्या केली. कोणालाही संशय येऊ नये म्हणून योगेशने प्राजक्ताचा मृत्यू हृदयविकाराच्या झटक्याने झाला असल्याचा खोटा दावा केला आणि पोलिसांकडे अकस्मात मृत्यूची नोंद केली.

पोस्टमॉर्टम रिपोर्टमुळे बिंग फुटले:

प्राजक्ताच्या माहेरच्या नातेवाईकांना या मृत्यूबाबत संशय आला होता. त्यांनी केलेल्या मागणीनुसार, मृतदेहाचे मुंबईतील जे.जे. रुग्णालयात शवविच्छेदन करण्यात आले. २३ जून रोजी आलेल्या या अहवालात प्राजक्ताचा मृत्यू नैसर्गिक नसून तिचा श्वास कोंडून खून करण्यात आल्याचे स्पष्ट झाले. त्यानंतर बदलापूर पश्चिम पोलिसांनी तातडीने खुनाचा गुन्हा दाखल करत पती आणि सासूला अटक केली आहे. सध्या या प्रकरणाचा अधिक तपास पोलीस करत आहेत.

 

सविस्तर वाचा, लिंक कमेंट मध्ये https://punenews24.in/