सुनेत्रा पवार मुख्यमंत्री होणार? बारामतीत चर्चेला उधाण, भाजपची पहिली प्रतिक्रिया

Baramati :बारामती पोटनिवडणुकीच्या पार्श्वभूमीवर राजकीय वातावरण तापले असून सुनेत्रा पवार यांच्या नेतृत्वावरून राज्यात नवा चर्चेचा विषय निर्माण झाला आहे. अजित पवार यांच्या रिक्त झालेल्या जागेसाठी होत असलेल्या या निवडणुकीत प्रचाराची जोरदार तयारी सुरू आहे.

 

बारामतीतील प्रचाराच्या शुभारंभावेळी राष्ट्रवादी काँग्रेसकडून सुनेत्रा पवार यांनी भविष्यात मुख्यमंत्री पदापर्यंत पोहोचावं अशी भावना व्यक्त करण्यात आल्याचे समोर आले आहे. या विधानानंतर राजकीय वर्तुळात चर्चांना वेग आला आहे.

दरम्यान, भाजपचे ज्येष्ठ नेते चंद्रकांत पाटील यांनी या चर्चेला प्रतिसाद देताना, “प्रत्येक कार्यकर्त्याने आपल्या नेत्याला मोठ्या पदावर पाहण्याचे स्वप्न पाहणे स्वाभाविक आहे. स्वप्न पाहणाऱ्यांचा पक्ष अधिक सक्रिय होतो,” असे म्हटले आहे. त्यांनी सध्याच्या राजकीय परिस्थितीचा उल्लेख करत महायुती सरकारच्या स्थिरतेवरही भर दिला.

बारामतीत निवडणुकीचा प्रचार अधिक तीव्र झाला असून पवार कुटुंबीयांसह विविध पक्षांचे नेते सक्रिय झाले आहेत. या पार्श्वभूमीवर मुख्यमंत्री पदाविषयी सुरू झालेली चर्चा सध्या राजकीय वर्तुळात चर्चेचा केंद्रबिंदू ठरत आहे.