Jalgaon : गाणी ऐकत आनंदात प्रवास सुरू असतानाच भीषण अपघात; कारचा ताबा सुटून डिव्हायडर तोडत कंटेनरला धडक, झोयाचा जागीच दुर्दैवी अंत

Jalgaon : जळगाव-भुसावळ महामार्गावर इनोव्हा कारचा काल रात्री भीषण अपघात झाला. हा अपघात इतका भीषण होता की समोरील कारने डिव्हायडर तोडून समोरून येणाऱ्या कंटेनरला जोरदार धडक दिली आणि वाहनाचा अक्षरश: पुढच्या गाडीचा चुराडा झाला. या अपघातात एक तरुणी ठार झाली असून एक जण जखमी आहे.

अपघात कसा झाला?
गाणी ऐकत गप्पा मारत महामार्गावरुन जात असताना अचानक असं काही घडलं की कारने थेट स्पीड घेतला, डिव्हायडर सोडून ती पलिकडच्या लेनमध्ये गेली आणि समोरुन येणाऱ्या कंटेनरवर धडकली. कंटेनरने कारला चिरडलं आणि काही अंतर पुढे फरफटत नेलं. हा अपघात इतका भयंकर होता की इनोव्हा गाडीचा अक्षरश: चुराडा झाला आहे. जळगाव-भुसावळ महामार्गावर भीषण अपघात झाल्याची माहिती मिळाली आहे.

Pune : पुणेकरांच्या नावावर नकोसा विक्रम! वाहतूक कोंडीत जगात पाचव्या क्रमांकावर पुणे; देशात सर्वाधिक ट्रॅफिक जॅम ‘या’ शहरात

जळगाववरून भुसावळच्या दिशेनं एक पांढऱ्या रंगाची इनोव्हा कार वेगाने जात होती. कारमध्ये झोया नदीम पठाण (वय 22) आणि अर्बन खान (वय 26) हे दोघे प्रवास करत होते. प्रवास अगदी आनंदात सुरू होता. दोघांच्याही गप्पा सुरू होत्या, गाडीमध्ये गाणे सुरू होते. गाडीचा स्पीडही वेगात होता. पण दोघांच्या आनंदात विरजण पडलं आणि गाडीचा ताबा सुटला. गाडी अनियंत्रित झाली वेगात असलेल्या या कारने महामार्गावरील डिव्हायडर अक्षरशः तोडला आणि ती थेट विरुद्ध दिशेच्या लेनमध्ये घुसली. त्या गाडी समोरून एक अवजड कंटेनर येत होता, काळाने जणू तिथेच सापळा रचला होता.

अवघ्या 22 वर्षाच्या मुलीचा अंत
कंटेनर आणि इनोव्हाची समोरासमोर इतकी भीषण धडक झाली की, कारच्या पुढचा भागाचा चुराडा झाला. लोखंडाच्या पत्रामध्ये झोया आणि अरबान दोघेही अडकून पडले होते. अपघाताचा आवाज इतका मोठा होता की, आजूबाजू असणाऱ्या लोकांनी धावत घटनास्थळ गाठलं. गाडीची अवस्था पाहूनच काळजाचा ठोका चुकला. दुर्दैवाने या धडकेत झोया पठाण हिचा जागीच मृत्यू झाला. अवघ्या 22 वर्षाच्या मुलीचा असा करून अंत पाहून जळगाव परिसरात हळहळ व्यक्त होत आहेत. तिच्यासोबत अर्बन खान हा रक्ताच्या थारोळ्यात गंभीर जखमी अवस्थेत होता. स्थानिक तरुणांनी तात्काळ त्याला बाहेर काढून तातडीने रुग्णालयात हलवले. सध्या त्याची प्रकृती गंभीर जखमी असून त्याच्यावर उपचार सुरू आहेत.