Pune Elections : पुण्यात शिवसेनेचा कारभार चव्हाट्यावर! आपल्याच उमेदवाराचा ‘बी’ फॉर्म गायब — नेमकं काय झालं?

Pune : पुण्यातील सहकारनगर-पद्मावती प्रभागातील शिवसेनेच्या उमेदवारांमधील वाद विकोपाला गेल्याने एका इच्छुकाने आपल्याच पक्षातील प्रतिस्पर्धी उमेदवाराचा ‘बी’ फॉर्मची छाननी सुरू असताना हिसकावून घेऊन तो गिळून टाकल्याची चर्चा आहे. बुधवारी दुपारी घडलेल्या या धक्कादायक प्रकारामुळे एकच गोंधळ उडाला. पोलिसांत तक्रार दाखल करण्याची कारवाई रात्री उशिरापर्यंत सुरू होती.

सहकारनगर-पद्मावती (प्रभाग ३६ (अ)) या प्रभागातून शिवसेनेने दोन उमेदवारांना ‘बी’ फॉर्म दिला होता. पक्षाने दोन ‘बी’ फॉर्म दिले असतील, तर अर्ज भरण्याची मुदत संपण्यापूर्वी पक्षाच्या शहराध्यक्षांकडून लेखी, पत्राद्वारे ज्या उमेदवाराचा फॉर्म वैध धरायचा त्याची माहिती द्यावी लागते. अन्यथा पहिल्यांदा दाखल झालेल्या उमेदवाराचा अर्ज वैध ठरतो. छाननीदरम्यान निवडणूक निर्णय अधिकाऱ्यांच्या कार्यालयाबाहेर तणाव निर्माण झाला होता. सरकारी कामात अडथळा आणल्याप्रकरणी पोलिसांनी उद्धव कांबळे यांना ताब्यात घेतले. छाननीची प्रक्रिया झाल्याने शिवसेनेचे मच्छिंद्र ढवळे यांचा अर्ज वैध ठरला होता. त्यामुळे खाण्यात आलेल्या ‘बी’ फॉर्मची झेरॉक्स त्यांच्या अर्जाला जोडून तो वैध ठरल्याचे जाहीर करण्यात आले.

Mumbai : दिल्लीतील तरुणीला दहावीच्या शिक्षणाच्या बहाण्याने मुंबईत आणलं; दोन आरोपींकडून तब्बल 7 वर्षे लैंगिक अत्याचार — भोईवाडा परिसरात खळबळ

काँग्रेस-ठाकरे-मनसे आघाडी
महापालिका निवडणुकीसाठी शहरात काँग्रेस आणि शिवसेना ‘उबाठा’ (ठाकरे व मनसे) आघाडी केली आहे. यात काँग्रेसला १०० तर शिवसेनेला ६५ जागा आल्या आहेत. मात्र, अर्ज दाखल करण्याच्या शेवटच्या दिवशी प्रचंड गोंधळ झाल्याने सर्वच पक्षांनी जागांपेक्षा अधिक ‘एबी फॉर्म’ वाटले आहेत. त्यामुळे माघारीसाठी उमेदवारांची समजूत काढण्याचे मोठे आव्हान आहे.

भाजप आणि शिवसेनेतील जागावाटपाचा तिढा सुटलेला नाही. मुख्यमंत्री देवेंद्र फडणवीस व उपमुख्यमंत्री एकनाथ शिंदे यांच्या गुरुवारी मुंबईत होणाऱ्या बैठकीकडे इच्छुकांचे लक्ष लागून राहीले आहे.