Pune : मोठा ट्विस्ट! दोन्ही राष्ट्रवादींच्या बैठकीची इनसाईड स्टोरी समोर, अजित पवारांचा प्रस्ताव शरद पवार मान्य करणार?

Pune : महापालिका निवडणुकीच्या पार्श्वभूमीवर पुण्यात राजकीय घडामोडींना वेग आला आहे. विशेष म्हणजे उपमुख्यमंत्री अजित पवार यांच्या राष्ट्रवादीत आणि राष्ट्रवादी काँग्रेस शरदचंद्र पवार पक्षात सध्या मोठ्या घडामोडी सुरु आहेत. काँग्रेसने कालच राष्ट्रवादी काँग्रेस पक्षासोबत युती करणार नाही, असं जाहीर केलं. यानंतर काल रात्रीपासून राजकीय घडामोडींना वेग आलेला बघायला मिळाला. ज्येष्ठ नेते शरद पवार यांच्या राष्ट्रवादी काँग्रेस पक्षाचे नेते रोहित पवार आणि अमोल कोल्हे यांनी काल अजित पवार यांच्या राष्ट्रवादीच्या नेत्यांसोबत चर्चा केली. त्यानंतर रोहित पवार आणि अमोल कोल्हे यांनी अजित पवार यांचीदेखील भेट घेतली. रात्री उशिरा दोन्ही राष्ट्रवादी काँग्रेसच्या नेत्यांमध्ये पुण्यातील जागावाटपाबाबत चर्चा झाल्याची माहिती मिळत आहे. यानंतर आता दोन्ही राष्ट्रवादींच्या बैठकीतील इनसाईड स्टोरी समोर आली आहे.

दोन्ही राष्ट्रवादी काँग्रेसच्या बैठकीत अजित पवार यांनी शरद पवार यांच्या राष्ट्रवादीला मोठा प्रस्ताव दिल्याची माहिती आहे. दोन्ही राष्ट्रवादी एकाच्या चिन्हावर निवडणूक लढवतील, अशी अजित पवार यांची भूमिका आहे. दोन्ही राष्ट्रवादींमध्ये जागावाटपाबाबत कोणताही वाद नाही. पण दोन्ही राष्ट्रवादीचे उमेदवार एकाच चिन्हावर निवडणूक लढवतील, असा अजित पवार यांचा प्रस्ताव आहे. अजित पवार यांचा हा प्रस्ताव शरद पवारांच्या राष्ट्रवादीचे प्रदेशाध्यक्ष शशिकांत शिंदे यांना कळवला जाणार आहे. त्यानंतर आज रात्री किंवा उद्या युतीची घोषणा होणार आहे. असं असलं तरी घड्याळ चिन्ह शरद पवार यांच्या राष्ट्रवादी काँग्रेस पक्षाला मान्य होणार का? हे पाहावे लागेल. "आज संध्याकाळपर्यंत निरोप द्या", असं अजित पवारांनी बैठकीला आलेल्या नेत्यांकडे प्रस्ताव पाठवला आहे.

Pune : 31 डिसेंबर–1 जानेवारीला पुण्यात मोठे वाहतूक बदल; अवजड वाहनांसह काही मार्गांवर वाहतूक बंदी, पर्यायी मार्ग जाहीर

राष्ट्रवादी काँग्रेस शरदचंद्र पवार पक्षाचे नेते अंकुश काकडे यांनी अजित पवार यांच्यासोबतच्या बैठकीनंतर प्रतिक्रिया दिली. "आज आम्ही चौघांनी अजित पवार यांची भेट घेतली आहे. आमची भूमिका त्यांना सांगितली. चर्चा झाली पण निर्णयापर्यंत पोहोचलो नाही. आज सांगण्यासारखं काही नाही. अजून चर्चा करायची आहे ती होईल. काही प्रस्ताव दिले आहेत, चर्चा केली आहे. त्यांच्यावतीने बाकीचे कुणी नव्हते. आमच्यामध्ये अजून एक बैठक होईल. बाकीच्या लोकांसोबत चर्चा करून कळवतो, असं ते म्हणाले. आमची चर्चा महाविकास आघाडीसोबत देखील सुरू आहे. काँग्रेसने काल घेतलेल्या भूमिकेमुळे महाविकास आघाडीचे स्वरूप आता बदललं आहे", असं अंकुश काकडे म्हणाले.