BMC Election : मनसे–ठाकरे गटात जागावाटपावर शिक्कामोर्तब; शिवडीतील 203-205 वॉर्डचा तिढा सुटला

BMC Election : नगरपालिका, नगर परिषदांच्या निवडणुकांचा निकाल लागल्यानंतर महापालिकेसाठी पक्षांची तयारी सुरू झालीय. त्या निवडणुकांच्या पार्श्वभूमीवर ठाकरे बंधूंची बैठक सुरू आहे. महाराष्ट्र नवनिर्माण सेना आणि ठाकरे गट यांच्यातील जागावाटपाच्या चर्चेचा वेग आलाय. मुंबईतील बहुतांश प्रभागांमधील मनसे आणि ठाकरे गटाचे जागावाटप पूर्ण झालंय.

परंतु दादर, शिवडी, भांडूप आणि विक्रोळी परिसरातील काही प्रभागांमधील जागेचा तिढा होता. हा तिढा आता सुटलाय. उद्धव ठाकरे यांच्या उपस्थितीत मातोश्रीवर झालेल्या बैठकीत शिवडी विधानसभा मतदारसंघातील प्रभाग क्रमांक २०३, प्रभाग क्रमांक २०२४, प्रभाग क्रमांक २०५ चा तिढा सुटला आहे. या बैठकीसाठी मातोश्रीवर मनसेचे बाळा नांदगावकर, ठाकरे गटाचे सुधीर साळवी आणि खासदार अनिल देसाई हे उपस्थित होते.

Maharashtra Politics : ईव्हीएम मशीनमध्ये घोळ; निवडणूक निकालानंतर ७ कर्मचाऱ्यांचे निलंबन

दरम्यान शिवडीतील दोन प्रभाग हे ठाकरे गटासाठी आणि एक प्रभाग मनसेसाठी सोडवण्यात आलाय. आता मातोश्रीवर भांडूप, विक्रोळी, दादर आणि माहीममधील काही प्रभागांच्या जागावाटपाबाब चर्चा सुरूय. विक्रोळी आणि भांडुपमधील वॉर्ड क्रमांक १०९, ११०, ११४ , ११५ या चार जागांवर दोन्ही पक्षांनी दावा केलाय. तर दादर, माहीममधील वार्ड क्रमांक १९२, १९४, १९४, १९३ या तीन वॉर्डवर ठाकरे गट आणि मनसे दोघांनीही दावा सांगितला होता. यासंदर्भात चर्चा होतेय. दरम्यान आज दिवसभरात जागावाटपाची चर्चा करुन युतीची घोषणा होण्याची शक्यता आहे.

ठाकरेंची शिवसेना आणि मनसे यांच्यात अधिकृत युती जाहीर आज किंवा उद्या युती जाहीर होऊ शकते. युती जाहीर करण्यासाठी भव्य पत्रकार परिषद किंवा मेळावा घेण्यात येईल असं सांगितलं जात आहे. आज या संदर्भातला अंतिम निर्णय होईल. मनसे-ठाकरे गटाची इतरही महानगरपालिकेच्या जागावाटपाची चर्चा सुद्धा अंतिम टप्प्यात आहे.
भांडूपच्या वॅार्ड क्रमांक ११४ वरून ठाकरे गट आणि मनसेमध्ये रस्सीखेच सुरूय. ठाकरे गटाचे माजी आमदार रमेश कोरगावर हे आपल्या पत्नीच्या उमेदवारीसाठी येथून आग्रही आहेत. तर मनसे माजी नगरसेविका अनिषा माजगावकर यांना हा वॅार्ड सोडावा यासाठी आग्रही आहेत.