Baramati : हिवाळी अधिवेशन सुरू असताना बारामतीत ईडीची मोठी कारवाई; राजकीय व्यक्तीच्या निकटवर्तीयांवर छापेमारी

 Baramati :  नागपूर येथे हिवाळी अधिवेशन सुरू असतानाच आज (ता.१०) सकाळपासून बारामती
तालुक्यातील जालोचीवाडी येथे ईडीने अचानक धाड टाकल्याने परिसरात मोठी खळबळ उडाली आहे. आनंद सतीश लोखंडे आणि विद्या सतीश लोखंडे यांच्या घरावर ईडीची ही कारवाई होत असून १० कोटींची दूध डेअरीवाल्यांना फसवणूक केल्या प्रकरणात हा तपास सुरू असल्याची माहिती मिळत आहे.

लोखंडे दाम्पत्याने दूध व डेअरी उत्पादनात गुंतवणूक केल्यास डबल नफा मिळेल असे अमिष दाखवत अनेकांना फसवल्याचा आरोप आहे. पुणे-मुंबईतील डेअरी व्यावसायिकांसह तब्बल १० कोटी रुपयांची फसवणूक केल्याची तक्रार झाली आहे. मुंबई युएडब्ल्यूकडूनही या प्रकरणाचा तपास सुरू असून मंत्रालयातील काही कर्मचाऱ्यांनाही या जाळ्यात अडकवण्यात आल्याचे समोर आले आहे.

Maharashtra Weather : राज्यात वाढला कडाक्याचा थंडीचा जोर; IMDचा यलो अलर्ट जारी—पुढील काही दिवसांचे हवामान कसे?

आनंद लोखंडे हे आमदार रोहित पवार यांचे निकटवर्तीय असल्याची चर्चा स्थानिक पातळीवर सुरू असून, त्यांच्या राजकीय ओळखीमुळे कारवाई होत नाही अशी नाराजी व्यक्त होत होती. मात्र ईडीने अचानक छापा टाकल्यानंतर या प्रकरणाने वेग घेतला आहे.

ईडीकडून पुरावे गोळा करण्याचे काम सुरू
ईडीच्या पथकाकडून घरातील कागदपत्रे, आर्थिक व्यवहाराशी संबंधित नोंदी आणि इलेक्ट्रॉनिक पुरावे जप्त करण्याची प्रक्रिया सुरू आहे. अद्याप अटक किंवा अधिकृत कारवाई झाली नसली तरी महत्त्वाचे धागेदोरे मिळण्याची शक्यता व्यक्त केली जात आहे. या धाडीनंतर संपूर्ण बारामती तालुक्यात राजकीय चर्चाना उधाण आले आहे.