Satara : मृत डॉक्टरच्या नातेवाईकांचा गंभीर आरोप – 'शवविच्छेदन अहवाल बदलण्यासाठी वारंवार दबाव'; खासदाराचा सतत फोन

Satara : सातारा जिल्ह्यातील फलटण उपजिल्हा रुग्णालयात कार्यरत महिला डॉक्टरने गुरुवारी रात्री आपले जीवन संपवल्याची धक्कादायक घटना समोर आली आहे. महिला डॉक्टरने भाऊबीजेच्या दिवशी फलटणमधील एका प्रसिद्ध हॉटेलच्या बंद खोलीत रात्री साडे दहा वाजेच्या सुमारास आत्महत्या केली.

महिलेच्या काकांनी आणि आतेभावाने गंभीर आरोप केले आहेत. काकांच्या म्हणण्यानुसार, 'पुतणीवर शवविच्छेदन अहवाल बदलण्यासाठी दबाव आणला जात होता, ज्यामुळे ती मानसिक तणावाखाली होती. डॉक्टरने वरिष्ठांना आणि नातेवाईकांना वारंवार सांगितले की, तणावामुळे माझं आयुष्य संपवावं लागेल.'

Mumbai : फडणवीस सरकारचा मोठा निर्णय; मच्छीमारांना मिळणार वीज सवलत, फक्त ठेवली महत्वाची अट

आतेभावाच्या आरोपानुसार, महिला डॉक्टरशी फोनवर संपर्क करणारा फलटण भागातील खासदार होता. त्यांचे पीए यांनी खासदारांना फोन लावून दिला आणि नंतर बहीण त्यांच्याशी बोलली होती. आत्महत्येपूर्वीही बहिणीने दोन-तीन महिन्यांपूर्वी तक्रार दिली होती, पण त्यावर कोणतीही कारवाई झालेली नव्हती.

महिला डॉक्टरच्या सुसाइड नोटमध्ये फलटण पोलीस निरीक्षक गोपाल बदने यांनी केलेल्या लैंगिक अत्याचाराचा उल्लेख आहे. तसेच प्रशांत बनकर यानेही तिला मानसिक त्रास दिल्याचे नमूद केले आहे. राज्य महिला आयोगाने या घटनेची दखल घेतली असून, फलटण सिटी पोलीस ठाण्यात भारतीय दंड संहितेच्या कलम 64(2)(N), 108 नुसार गुन्हा दाखल केला आहे. फरार आरोपी गोपाल बदने आणि प्रशांत बनकर यांना ताब्यात घेण्यासाठी शोधपथक रवाना करण्यात आले आहे.

महिलेचे शव विच्छेदनासाठी रुग्णालयात पाठवले गेले असून, आयोगाने पोलीस अधीक्षक, सातारा यांना फरार आरोपींचा तातडीने शोध घेऊन संपूर्ण प्रकरणाचा सखोल तपास करण्याचे निर्देश दिले आहेत. तसेच, पीडित महिलेने होणाऱ्या त्रासाबाबत आधी दिलेल्या तक्रारीवर मदत का मिळाली नाही, याचीही चौकशी करून संबंधितांवर कठोर कारवाई करण्याचे आदेश आयोगाने दिले आहेत.