Honey Trap : नाशिकनंतर सांगलीतही हनी ट्रॅप, २ माजी मंत्र्यांचा सहभाग, खडसेंचा खळबळजनक दावा

Nashik Sangli Honey Trap News : नाशिकनंतर सांगलीमध्येही हनी ट्रॅप झाल्याचा दावा माजी मंत्री एकनाथ खडसे यांनी केला आहे. सांगलीमधील दोन माजी मंत्री यामध्ये आहेत, ते आपण शोधून काढू असे एकनाथ खडसे यांनी दावा केला आहे. नाशिक हनी ट्रॅप प्रकरणात खडसे यांनी महाजन यांचे नाव घेतले होते. गिरीश महाजन हनी ट्रॅप बद्दल का बोलत नाहीत. मी स्वतः सी डी बघितली आहे, पण आज मी त्यावर बोलणार नाही, असेही खडसे म्हणाले. त्याशिवाय नाशिक प्रकरणाचाही सखोल तपास करण्यात यावा, अशी मागणी खडसेंनी केली.

पुण्यातील खराडी येथील कथित रेव्ह पार्टी प्रकरण चांगलेच तापलेय. खडसेंच्या जावई प्रांजल खेवलकर यांना क्रमांक एकचे आरोपी केल्याने ही कारवाई राजकीय सूडबुद्धीने केल्याचा आरोप विरोधकांकडून होतोय. माजी मंत्री एकनाथ खडसे यांनी पुण्यात पत्रकार परिषद घेत पोलिसांच्या कारवाईवर प्रश्नचिन्ह उपस्थित केलेय. यावेळी त्यांनी सांगलीमध्येही हनी ट्रॅप झाल्याचा खळबळजनक दावा केला आहे.

Pune Rave Party : ड्रग्ज घेतलं नाहीत, गुन्हा नाही, मग जावई पहिल्या क्रमांकाचा आरोपी कसा? खडसे पोलिसांवर संतापले

प्राजंल खेवलकर यांना अडकवल्याचा आरोप खडसेंनी केला. त्याशिवाय पोलिसांच्या कारवाई आणि तपासावर खडसेंनी प्रश्नचिन्ह उपस्थित केले. खेवलकर यांनी आयुष्यात कधीच ड्रग्ज घेतले नाहीत. त्यांना अडकवण्यात आले. पोलीस साध्या वेळात खेवलकर यांचा पाठलाग, पाळत ठेवली जात होती. खडसे कुटुंबाला बदनाम करण्यासाठी हे केले जातेय. आम्ही नाशिक हनी ट्रॅ्प प्रकरणावर शांत बसणार नाही. आमचा आवाज दाबला जाऊ शकत नाही, असेही खडसे म्हणाले.

जावयाचा मोबाईल जप्त केला, लॅपटॉप घेऊन गेले. मोबाईलमधील फॅमिली फोटो बाहेर कसं येतात? पोलिसांनी आमचा कुटुंब. यांचे फोटो का बाहेर काढले? कोणीतरी सूत्रधार आहे, पोलिस बाहुली म्हणून काम करत आहेत. या प्रकरणाची सखोल चौकशी करावी अशी मागणी मी करतोय. अनेक प्रकरण मी सरकारची बाहेर काढतोय म्हणून हे सगळं षडयंत्र आहे. सत्य समोर येईल आमचा लढा चालू राहील, असेही खडसे म्हणाले.