Swargate Bus Depot Case : इथे ओशाळली माणुसकी! शिवशाही बलात्कार प्रकरणी फेक नरेटिव्ह, पीडित तरूणीला बदनाम करण्याचं षडयंत्र

Pune crime News Update : स्वारगेट डेपो बलात्कार प्रकरणामुळे राज्यात एकच खळबळ उडाली. २५ फेब्रुवारी रोजी २६ वर्षीय तरूणीवर नराधम दत्तात्रय गाडे याने बलात्कार केला. जिवे मारण्याची धमकी देत दोन वेळा शरीराचे लचके तोडले, या घटनेनंतर पुण्यासह राज्यात संतापाची लाट सुरू असतानाच सोशल मीडियावर मात्र फेक नरेटिव्ह पसरवण्यात येत आहे. बलात्कार पीडित तरूणीला बदनाम करण्याचा कट कोण रचतेय? असा सवाल उपस्थित होतोय.

पुणे स्वारगेट लैंगिक अत्याचार प्रकरणी "फेक नरेटीव" पसरण्यात येत आहे. समाज माध्यमांना हाताशी धरून स्वारगेट लैंगिक अत्याचार संदर्भात दिशा बदलण्याचे काम करण्यात येत आहे. या प्रकरणी पुणे पोलिसांकडून तपास वेगाने सुरू आहे. आरोपीची कसून चौकशी तर पीडित तरुणीचे जबाब पूर्ण झाला आहे. पण या प्रकरणी चार फेक नरेटिव्ह पसरवण्यात येत आहे, त्यामध्ये कोणतेही तथ्य नसल्याचे दिसतेय.

पहिला फेक नरेटिव्ह

फेक नरेटिव्ह : आरोपी आणि पीडित यांची ओळख

सत्यता: आरोपी दत्ता गाडे आणि पीडित तरुणी यांचा कुठला ही संबंध नाही. पीडित तरुणी अनेक वेळा स्वारगेट येथून प्रवास करत असली तरी सुद्धा तिची आणि आरोपीची कुठलीच ओळख नसल्याचे तपासातून समोर

दुसरा फेक नरेटिव्ह

फेक नरेटिव्ह : आरोपी आणि पीडित यांचा एकमेकसंशी संपर्क

सत्यता: पीडित आणि आरोपीचे सी डी आर (कॉल डिटेल रेकॉर्ड) तपासले असता दोघांमध्ये कुठले ही कॉल नसल्याचे स्पष्ट. पीडित आणि आरोपीच्या मोबाईल मध्ये एकमेकांचा नंबर नाही. गेल्या ६ महिन्यांमध्ये दोघांमध्ये कुठले ही संभाषण नसल्याचे उघड

Sarpanch Santosh Deshmukh : संतोष देशमुख यांना तीन तास अमानुष मारहाण, १५ व्हिडीओ आणि ८ फोटो समोर

तिसरा फेक नरेटिव्ह

फेक नरेटिव्ह : घटनेनंतर पीडित आणि आरोपी एकत्र आले

सत्यता: मंगळवारी घटना घडल्यानंतर पीडित आणि आरोपी यांचे लोकेशन हे हडपसर आढळून आले असले तरी दोघांचे सेल आय डी हे वेगळे आहेत. आरोपी हा सोलापूर रस्त्याने शिरूरकडे पळून गेला तर पीडित तरुणी ही सासवड रस्त्याने गेली असल्याची माहिती

चौथा फेक नरेटिव्ह

फेक नरेटिव्ह : पीडित आणि आरोपी मध्ये आर्थिक व्यवहार

सत्यता: आत्तापर्यंत झालेल्या तपासात पीडित तरुणी आणि आरोपी यांच्यात कुठला ही आर्थिक व्यवहार झाला नसल्याचे स्पष्ट. दोघांचे बँक स्टेटमेंट ची पडताळणी केल्यानंतर दोघांमध्ये कुठले ही ऑनलाइन व्यवहार नसल्याचे समोर.