Nashik : ३ दिवसांपासून बेपत्ता, चिमुकल्याचा मृतदेह झुडपात सापडला; पोलीस तपासात धक्कादायक खुलासा...,

Nashik : नाशिकमध्ये एका परप्रांतीय चिमुकल्याचा खून झाल्याची घटना घडली आहे. हा चिमुकला सात वर्षांचा होता. चांदवड तालुक्यात ही घटना घडल्याचं समोर येतंय. या चिमुकल्याचं अगोदर अपहरण झालं होतं, त्यानंतर त्याचा मृतदेह सापडल्याची माहिती मिळतेय. घटनेमुळे चांदवड तालुक्यात मोठी खळबळ उडाली होती.

याबाबत सविस्तर वृत्त असं की, नाशिकच्या चांदवड तालूक्यातील वडनेर-भैरव येथे परप्रांतीय संतोष भागवत हा मोलमजूरी करण्यासाठी आलाय. या व्यक्तीचा ७ वर्षाचा मुलगा आहे. तो तीन दिवसांपासून बेपत्ता होता. त्यामुळे संतोष भागवत याने पोलीस ठाण्यात मुलगा हरवल्याची तक्रार दाखल केली होती. वडनेर-भैरव पोलीस ठाण्यात त्याने तक्रार नोंदवली होती.

Mumbai Crime : मुंबई विमानतळावर ४ कोटी रूपयांचं कोकेन जप्त; कस्टम विभागाची मोठी कारवाई

तीन दिवसापुर्वी एका अज्ञात तरुणाने मुलाचं अपहरण केल्याचा संशय होता. मुलगा हरवल्याची तक्रार वडनेर-भैरव पोलिसात दाखल झाली असतांना पोलीस त्याचा शोध घेत होते. तेव्हा पोलिसांनी गावातील एका संशयिताला ताब्यात घेत त्याची चौकशी केली. त्याने मुलाचा खून करुन तो मराठी शाळेजवळ असलेल्या मोकळ्या जागेत फेकल्याची माहिती दिली.

पोलिसांनी तेथे जात मृतदेह ताब्यात घेतला. अर्पितकुमार संतोष भगत, असं मृत्यू झालेल्या चिमुकल्याचं नाव आहे. दरम्यान लहान मुलाला एका मंदीराजवळून आपल्या मागे येण्याचा अज्ञात तरुणाचा सीसीटीव्ही समोर आलाय. त्या आधारे पोलिसांनी श्वान पथकाद्रवारे शोध घेण्याचा प्रयत्न केला अखेर काल १७ ऑगस्ट रोजी त्याचा मृतदेह शाळेच्या मोकळ्या जागेत झुडपात सापडला. या घटनेमुळे वडनेर-भैरव गावात चांगलीच खळबळ उडाली असून पोलीस या घटनेचा अधिक तपास करीत आहे.