Gondia Accident : गोंदियामध्ये हिट अँड रन, भरधाव ट्रकने १०० मीटरपर्यंत फरफटत नेले, शिक्षिकेचा जागीच मृत्यू

 

Gondia Accident : गोंदियामध्ये हिट अँड रनचे प्रकरण समोर आले आहे. भरधाव ट्रकने शिक्षिकेला धडक देत १०० मीटरपर्यंत फरफटत नेले. या अपघातामध्ये शिक्षिकेचा जागीच मृत्यू झाला. गोंदियातील राणी अवंतीबाई चौकात हा अपघात झाला. अपघातानंतर ट्रकचालक फरार झाला होता. पण पोलिसांनी त्याला काही तासांतच अटक केली.

मिळालेल्या माहितीनुसार, गोंदिया शहरातील रामनगर पोलिस स्टेशनअंतर्गत येत असलेल्या राणी अवंतीबाई चौकात आज सकाळी हा अपघात झाला. अल्वीना जेम्स लुईस असं अपघातामध्ये मृत्यू झालेल्या शिक्षिकेचे नाव आहे. अंभोरा येथील शाळेमध्ये अल्वीना शिक्षिका होत्या. नेहमीप्रमाणे त्या शाळेच्या दिशेने निघाल्या होत्या. त्याचवेळी रस्त्याच्या कडेने जाणाऱ्या अल्वीना यांना भरधाव ट्रकने धडक दिली.

Sharad Pawar : राज ठाकरेंनी माझं नाव दोन-तीनदा का घेतलं कळत नाही, माझा कसला हातभार? शरद पवारांचा प्रतिप्रश्न

अल्विना यांना भरधाव ट्रकने चिरडले आणि १०० मीटरपर्यंत फरफटत नेले. ट्रकच्या पाठीमागच्या चाकाखाली आल्यामुळे अल्वीना यांचा जागीच मृत्यू झाला. या अपघातानंतर ट्रकचालक फरार झाला होता. पण गोंदिया पोलिसांनी अवघ्या काही तासांमध्येच आरोपी ट्रक चालकाला ताब्यात घेतले. याप्रकरणी गुन्हा दाखल करण्याची प्रक्रिया सुरू आहे.