Maval News : पवना नदीत बुडून एका युवकाचा मृत्यू; मित्रांसोबत पोहायला गेला असतानाची घटना

Maval News : उन्हाळ्याचे दिवस असल्याने नदी. तलावात पोहायला जाण्याचे अनेकजण पसंद करत असतात. त्यानुसार काही मित्र पवना नदीत पोहण्यासाठी गेले असताना यात एकाचा नदीत बुडून मृत्यू झाल्याची घटना  मावळमध्ये घडली आहे.

मावळात गहूंजे गावातील पवना नदीत बुडून निखिल यादव या तरुणाचा मृत्यू झाला आहे. गेली आठ दिवसांपासून वातावरणात मोठा उकाडा जाणवत होता. तर अंगाची लाहीलाही होत होती. या उष्णतेपासून सुटका मिळावी यासाठी नदी, तलावात पोहण्यासाठी अनेकजण जात असतात. अशाच प्रकारे निखिल यादव याने मित्रानं सोबत पोहण्याचा बेत आखला. पण त्याच्यासाठी तो आयुष्याचा शेवट ठरला. सर्व मित्र पोहण्यासाठी नदीत उतरत पोहण्याचा आनंद घेत होते.

Mumbai Police : मोठी बातमी ! मुंबईतील सर्व पोलिसांच्या सुट्ट्या रद्द, निवडणुकीच्या पार्श्वभूमीवर गृहखात्याचा निर्णय

दरम्यान पोहत असताना पवना नदीतील पाण्याच्या खोलीचा अंदाज न आल्याने निखिल याचा बुडून मृत्यू झाला. या घटनेबाबत त्याच्या मित्रांनी गावात माहिती दिली. यानंतर वन्यजीव रक्षक मावळ आणि लोणावळा शिवदुर्ग रेस्क्यू टीम घटनास्थळी दाखल होत तरुणाचा मृतदेह नदीतून बाहेर काढला. पुढील तपास शिरगाव पोलीस करत आहे.