Madhya Pradesh Police : इलेक्शन ड्युटीवर असलेल्या पोलिसांच्या बसला अपघात; १० पोलीस कर्मचारी जखमी

मिळालेल्या माहितीनुसार, हा अपघात गीडाम-जगदलपूर मार्गावरील रायकोट गावाजवळ झाला. बस्तर येथे १९एप्रिल रोजी लोकसभेसाठी  मतदान झाले. येथील मतदानाच्या कर्तव्य बजावून सुरक्षा कर्मचारी महासमुंद लोकसभा मतदारसंघातील गरिबंद होणाऱ्या मतदानाच्या कर्तव्यासाठी जात होते. येथे २६ एप्रिल रोजीमतदान होणार आहे. मध्य प्रदेश पोलीस कर्मचाऱ्यांना घेऊन जाणारी बस गुराढोरांना वाचवताना उलटली. बस चालकाला अचानकपणे रस्त्याच्या कडेला असलेल्या गुराढोरं दिसली त्यांना वाचवण्याच्या प्रयत्नात बस पलटी झाली. या अपघाता १० पोलीस कर्मचारी जखमी झाले.

स्थानिक पोलिसांनी अपघाताची माहिती मिळताच ते घटनास्थळी दाखल झाले. जखमी झालेल्या पोलीस कर्मचाऱ्यांना रुग्णवाहिकेतून जगदलपूर येथील डिमरपाल येथील वैद्यकीय महाविद्यालयात दाखल करण्यात आले. यातील ५ जणांना पुढील उपचारासाठी रुग्णालयात दाखल करण्यात आले, तर इतरांना प्राथमिक उपचार मिळाल्यानंतर सोडून देण्यात आले.