Lok Sabha Election : काँग्रेसला आणखी एक धक्का; रत्‍नागिरीतील बडा नेता भाजपच्या वाटेवर

राज्यात लोकसभा निवडणुकांची तयारी सुरू असताना मांडवकरांच्या या निर्णयाचा काँग्रेसला मोठा फटका बसू शकतो. गेली ३२ वर्षे काँग्रेस पक्षाच्या माध्यमातून तालुकयाच्या राजकारणात आणि समाजकारणात प्रकाश मांडवकर अग्रेसर राहिले आहेत.

माजी मंत्री आणि कुणबी समाजाचे दिवंगत नेते भाईसाहेब हातणकर यांचे मांडवकर हे खंदे समर्थक राहिलेत. काही काळ मांडवकरांनी भाईसाहेब यांचे स्वीय सहाययक म्हणुनही काम पाहिले होते. आपल्या तालुक्यात त्यांनी काँग्रेस पक्षाच्या माध्यमातून धडाडीचे कार्यकर्ते अशी प्रतिमा निर्माण केली. आता देखील तालुक्याच्या विकासासाठीच आपण भाजपमध्ये जात असल्याचं त्यांनी म्हटलं आहे.