Badlapur Fire News : केमिकल कंपनीत भीषण अग्नितांडव; आग विझविण्यासाठी शर्थीचे प्रयत्न सुरू

Badlapur Fire News : बदलापूरच्या खरवई एमआयडीसीत असलेल्या एका केमिकल कंपनीला आज दुपारी (२ एप्रिल) आग लागली. डि.के. फार्मा असं या केमिकल कंपनीचं नाव आहे. आग लागल्याचं समजताच घटनास्थळी अग्निशमन दलाला पाचारण करण्यात  आलं. जवळच असलेल्या बदलापूर अग्निशमन दलाच्या फायर सेंटरमधून दोन गाड्या घटनास्थळी आग विझवण्यास पोहचल्या आहेत.  

आगीवर नियंत्रण मिळविण्याचं काम सुरू आहे. बदलापूर अग्निशमन दल आणि अंबरनाथ अग्निशमन दल शर्थीने आग विझविण्याचा प्रयत्न करत आहे. आगीचं नेमकं कारण अजून अस्पष्ट आहे. या आगीत कोणतीही जीवितहानी झालेली नाही.