Pune Temperature News : धूलिवंदनाला उच्चांकी तापमान ; पाऱ्याची सरासरी २.७ अंश सेल्सिअसने उसळी

होळीच्या दिवशी म्हणजे शनिवारी (ता. २४) ३७.७ अंश सेल्सिअस तापमान होते. होळीनंतर उन्हाचा चटका वाढतो. त्यामुळे धूलिवंदनाच्या दिवशी पाऱ्याने सरासरीपेक्षा २.७ अंश सेल्सिअसने उसळी घेतली. गेल्या वर्षी २९ मार्चला उच्चांकी म्हणजे ३५.७ अंश सेल्सिअस तापमान नोंदले गेले होते. त्यामुळे पुण्यात यंदा उन्हाचा चटका जास्त असल्याचे निरीक्षण हवामान खात्यातर्फे नोंदविण्यात आले. पुण्यात मार्चमध्ये आतापर्यंतचे सर्वाधिक उच्चांकी तापमान १८९२ मध्ये नोंदविले गेले होते. त्या वर्षी ४२.८ अंश सेल्सिअसपर्यंत कमाल तापमानाचा पाऱ्याने उसळी मारली.

दिवसभर उन्हाचा चटका

शहरात सकाळी दहा वाजल्यापासूनच उन्हाचा चटका लागत होता. अशा भर उन्हात रंग खेळणाऱ्या तरुणाई रस्त्या-रस्त्यांवर दिसत होते. मात्र, दुपारनंतर उन्हाची तीव्रता आणखी वाढल्याने रस्त्यावर शुकशुकाट होता. कामानिमित्त बाहेर पडणारे पुणेकर टोपी, गॉगल घालून बाहेर पडत असल्याचे चित्र रस्त्यावर दिसत होते. शीतपेयांच्या दुकानांवर गर्दी वाढली वाढली होती. संध्याकाळी पाच वाजेपर्यंत उन्हाचा चटका कायम होता.