Gopichand Padalkar : चप्पलफेक हल्ल्याचा निषेर्धात आटपाडीत कडकडकीत बंद

Gopichand Padalkar :ओबीसी आरक्षण अबाधित राहावं आणि इंदापूर येथे झालेल्या आमदार गोपीचंद पडळकर यांच्या वरील हल्ल्याच्या निषेधार्थ आज (गुरुवार) सांगली जिल्ह्यातील आटपाडीत कडकडीत बंद पाळण्यात आला आहे. आजच्या मोर्चादरम्यान कोणताही अनुचित प्रकार घडू नये यासाठी आटपाडी शहरात आणि मोर्चा मार्गावर पोलीस बंदोबस्त तैनात करण्यात आला होता.

धनगर समाजाच्या आरक्षणासाठी आमदार गोपीचंद पडळकर यांनी वेळप्रसंगी रस्त्यावरची लढाई करण्यास पुढे मागे पाहिलेले नाही. त्यांच्या हाकेला धनगर समाजातील लोकांनी उत्सफुर्त प्रतिसाद देत राज्यात माेर्चा देखील काढला.

दरम्यान इंदापूर येथे आमदार गाेपीचंद पडळकर यांच्यावर चप्पल फेक झाल्याचा प्रकार घडला. या प्रकाराचा निषेध नाेंदविण्यासाठी आज सकल ओबीसी समाजाच्यावतीने आटपाडी शहर बंदची हाक देण्यात आली हाेती.

Maratha Reservation : धक्कादायक! छत्रपती शिवाजी‎ महाराजांच्या स्मारकासमोरच केली आत्महत्या, मराठा आरक्षणाचा आणखी एक बळी

ओबीसी समाजाच्या हाकेस आटपाडी शहरात शंभर टक्के प्रतिसाद मिळाला. आज सकाळपासून आटपाडी शहरातील सर्व दुकाने बंद ठेवण्यात आली आहेत. ओबीसी आरक्षण अबाधित राहावं यामागणीसह पडळकरांवरील हल्ल्याच्या निषेधार्थ आटपाडी बस स्थानकापासून ते तहसिल कार्यालयापर्यत मोर्चा काढण्यात आला.

या मोर्चावेळी आमदार गोपीचंद पडळकर व मंत्री छगन भुजबळ यांच्या प्रतिमेला दुग्धाभिषेक करण्यात आला. या मोर्चा दरम्यान कोणताही अनुचित प्रकार घडू नये यासाठी आटपाडी शहरात आणि मोर्चा मार्गावर पोलीस बंदोबस्त तैनात करण्यात आला होता.