Mumbai Air Pollution : फटाक्यांच्या आतषबाजीमुळे मुंबई-पुण्यातील हवेची गुणवत्ता खालावली; दिल्लीत श्वास घेणंही कठीण

Mumbai Air Pollution : गेल्या काही दिवसांपासून मुंबईतील प्रदूषणात मोठी वाढ झाली असून हवेची गुणवत्ता प्रचंड खालावली आहे. पुण्यातही हवेची गुणवत्ता बिघडल्याचे निदर्शनास आले आहे. हवा खराब होत असल्याने मुंबईत दिवाळीत फटाके फोडण्यावर न्यायालयाने निर्बंध घातले आहेत.

असं असतानाही मुंबईसह पुणेकरांनी रविवारी पहाटेपासूनच फटाक्यांची आतषबाजी केली. सायंकाळी लक्ष्मीपूजनानंतर तर मोठ्या प्रमाणात फटाके उडवण्यात आले. त्यामुळे मुंबईसह पुण्यातील हवेची गुणवत्ता खालावली आहे.

Manoj Jarange Patil : १५ नोव्हेंबरपासून पुन्हा महाराष्ट्र दौरा, शांततेच्या मार्गाने आंदोलन... जरांगे पाटलांची पुढची रणनिती ठरली!

मुंबईत सोमवारी पहाटेपासून हवेत मोठ्या प्रमाणात धुराचे प्रमाण दिसून येत होते. दुसरीकडे पुण्यातील हवेतही धूरच धूर दिसून येत होता. पुणे शहर आणि परिसरातील काही भागांमध्ये रविवारी हवेची गुणवत्ता धोकादायक पातळीवर गेल्याचे दिसून आले. 

पिंपरी चिंचवड, भोसरी, आळंदी, कात्रज अशा काही भागांमधील हवेची गुणवत्ता बिघडल्याचं समोर आलं आहे. नागरिकांना श्वास घेतना त्रास होणे, दम लागणे अशा आरोग्याच्या समस्या निर्माण होत आहेत. त्यामुळे आरोग्याची काळजी घेण्याचे आवाहन वैद्यकीय तज्ज्ञांकडून करण्यात आले आहे.

वायू प्रदूषण रोखण्यासाठी पिंपरी चिंचवड आणि पुणे महापालिकेकडून मार्गदर्शक सूचनाही प्रसिद्ध करण्यात आल्या आहेत. फटाक्यांचा तसेच वाहनांचा धूर, बांधकामे, यामुळेच पुण्यातील हवेची गुणवत्ता खालावली असल्याचं तज्ज्ञांनी सांगितलं आहे.