Alibaug Crime News : जेवणावरून वाद अन् रागाच्या भरात मुलाने जन्मदात्या आईलाच जिवंत जाळलं

Alibaug Crime News : किरकोळ वादातून मुलानेच पोटच्या आईला जिवंत जाळल्याचा धक्कादायक प्रकार समोर आला आहे. ही घटना आलिबागमधील सुडकोली येथील ही घटना आहे. चांगुणा रामदेव खोत असं मृत आईचे नाव आहे. तर मुलाच नाव जयेश रामदेव खोत(वय२७) असं आहे.

जयेश रामदेव खोत याचे त्याच्या आईशी जेवणावरून वाद झाले होते. त्यावरून संतापलेल्या जयेश याने आईवर दांडक्याने हल्ला केला. त्यानंतर धारदार कोयत्याने जखमी केलं, त्यानंतर आईला मोकळ्या जागेत नेत तिच्यावर पालापाचोळा टाकत पेटवून दिलं आहे.

Rohit Patil : बेरोजगारांमध्ये मराठा तरुण, तेच आरक्षणासाठी आक्रमक, आता नेत्यांना त्यांच्या रोषाला सामोरं जावं लागणार; रोहित पाटलांचा सरकारला इशारा

या घटनेची माहिती मिळताच रेवदंडा  पोलिसांनी घटनास्थळी धाव घेतली. पोलिसांनी जयेशला देखील ताब्यात घेतलं आहे. चांगुणा खोत यांना उपचारासाठी रुग्णालयात दाखल केलं मात्र, उपचारादरम्यान त्यांचा मृत्यू झाला आहे. या घटनेने परिसरात हळहळ आणि संताप व्यक्त केला जात आहे.

जन्मदात्या आईचा जीव घेणाऱ्या मुलाबाबत परिसरातून संताप व्यक्त केला जात आहे. या आरोपीला कठोर शिक्षा करावी अशी मागणी नागरिकांकडून करण्यात येत आहे.

नेमकं काय झालं?

मंगळवारी रात्री मुलामध्ये आणि आईमध्ये जेवण दिले नाही म्हणून किरकोळ वाद झाला. शाब्दिक चकमक झाली. त्यानंतर रागाच्या भरात जयेशने लाकडी दांडक्याने आईला मारहाण करण्यास सुरुवात केली. त्यानंतर कोयत्याने वार करत त्याने आईला घराबाहेर अंगणात आणले. आईला कोयत्याचा धाक दाखवून तिच्यावरती पालापाचोळा टाकून तिला जिवंत जाळले.

घटनेची माहिती मिळताच परिसरातील नागरिकांनी चांगुणा खोत यांना अलिबाग उपजिल्हा रुग्णालयात उपचाराकरता दाखल केले, मात्र उपचारादरम्यान आईचा  मृत्यू झाला. पोलिस आधिक तपास करत आहेत.