Mumbai News : गणपती विसर्जनासाठी तैनात तरुणावर वीज कोसळली; जुहू समुद्र किनाऱ्यावरील घटना

मुंबई- जुहू समुद्रकिनाऱ्यावर गणपती विसर्जनासाठी तैनात असलेल्या एका तरुणावर वीज पडल्याची दुर्घटना घडली आहे. सध्या त्याला मुंबई महापालिकेच्या विलेपार्ले पश्चिम येथील कूपर रुग्णालयात रुग्णवाहिणीतून नेण्यात आले आहे. 

राज्यभरात सर्वत्र गणेश विजर्सन सुरु आहे. मुंबईमध्ये लाखोंच्या संख्येने भाविक जमा झाले आहेत. अनेक गणपती मंडळानी गणपतीचे विसर्जन करण्यासाठी समुद्र किनाऱ्यावर येण्यास सुरुवात केलीये. यावेळी एक तरुण जुहू किनाऱ्यावर तैनात करण्यात आला होता. त्याच्यावर वीज कोसळल्याची घटना घडली. सध्या त्याला रुग्णालयात दाखल करण्यात आले आहे.

मुंबईत गणपती विसर्जनाचा उत्साह असतानाच पावसालाही सुरुवात झाली आहे. अनेक ठिकाणी वीजांचा कडकडाट पाहायला मिळत आहे. काही भागात मुसळधार पावसाची नोंद झाली आहे. गणपती विजर्सन असल्याने भरपावसात नागरिक रस्त्यावर उतरले आहेत. तरुणावर वीज पडल्याची घटना घडल्याने पोलिसांनी नागरिकांना काळजी घेण्याचे आवाहन केले आहे.