Mumbai-Goa Higway Accident : कोकणात जाणाऱ्या एसटी बसला अपघात, एका प्रवाशाचा मृत्यू १९ जण जखमी

Mumbai-Goa Higway Accident : मुंबई-गोवा महामार्गावर एसटी बस आणि कंटेनरमध्ये भीषण अपघाताची घटना समोर आली आहे. एसटी बसने कंटेनरला मागून धडक दिल्याने हा अपघात घटला आहे. माणगावनजीक रेपोली येथे पहाटे ४.३० वाजण्याच्या सुमारास हाअपघात झाला.

अपघातात एसटीमधील एका प्रवाशाचा मृत्यू झाला आहे, तर 19 प्रवासी जखमी झाले आहेत. जखमींपैकी दोन प्रवासी गंभीर जखमी आहे. 

Pune Crime: प्रियकरासाठी लाखोंचं कर्ज काढलं.. हप्ते भरण्यास नकार दिल्याने तरुणीने उचलले टोकाचे पाऊल; पुण्यात खळबळ

जखमींवर माणगाव येथील उपजिल्हा रुग्णालयात उपचार सुरू आहेत. मुंबईहून राजापूरकडे निघालेल्या एसटी बसला हा अपघात झाला आहे. अपघातात बसच्या पुढच्या भागाचे मोठे नुकसान झाले आहे.

गणेशोत्सवासाठी मुंबईहून नागरिक गावी निघाले होते. अपघाताची माहिती मिळाताच वाहतूक पोलीस तत्काळ घटनास्थळी दाखल झाले आणि बचावकार्य सुरु केले. अपघातानंतर काही वेळ महामार्गावर वाहतूक कोंडी झाली होती. मात्र महामार्गावरील वाहतूक आता सुरळीत आहे.