Pune Crime: प्रियकरासाठी लाखोंचं कर्ज काढलं.. हप्ते भरण्यास नकार दिल्याने तरुणीने उचलले टोकाचे पाऊल; पुण्यात खळबळ

Pune Crime : प्रियकराने कर्ज न फेडल्याने तरुणीने आत्महत्या केल्याची धक्कादायक घटना पुण्यामध्ये घडली. शहरातील हडपसर भागात घडलेल्या या घटनेने परिसरात एकच खळबळ उडाली आहे. राणी ऊर्फ रसिका रवींद्र दिवटे असे आत्महत्या केलेल्या तरुणीचे नाव असून आदर्श अजयकुमार मेनन याला अटक करण्यात आली आहे.

याबाबत सविस्तर माहिती अशी की, आदर्श अजयकुमार मेनन आणि राणी ऊर्फ रसिका रवींद्र दिवटे यांचे प्रेमसंबंध होते. रसिकाने आदर्शच्या सांगण्यावरून अनेकवेळा क्रेडिट कार्ड, लोन ॲपवरुन कर्ज काढून त्याला ३.७५ लाख रुपये दिले होते. 

Pune Crime News : मध्यरात्री गावगुंडांची दहशत.. अज्ञातांकडून ४ रिक्षांची जाळपोळ; पुण्यातील संतापजनक प्रकार

कर्जाचे हप्ते आपण फेडू, असे आश्वासन आदर्शने तिला दिले होते. मात्र, त्याने कर्ज फेडले नाही. गुरुवार रात्री रसिका आणि आदर्श मध्ये या कर्जवरून भांडणे झाली आणि आदर्श ने पैसे नाही भरणार असे सांगितले. याचा राग मनात धरून आणि हताश झालेल्या रसिका ने पहाटे आदर्शच्या घरात गळफास घेऊन आत्महत्या केली.

घटनेची माहिती मिळताच पोलिसांनी धाव घेत मृतदेह ताब्यात घेतला. या प्रकरणी प्रेयसीला आत्महत्येस प्रवृत्त केल्याप्रकरणी प्रियकर आदर्श अजयकुमार मेनन याला अटक करण्यात आली आहे. या घटनेने परिसरात एकच खळबळ उडाली असून पोलीस याबाबतचा अधिक तपास करत आहेत.