Kalyan : उल्हास नदीत पोहताना अल्पवयीन मुलगा बुडाला, वाचवण्याच्या प्रयत्नात दुसराही बुडाला; अग्निशमन दलाकडून शोध सुरु

Kalyan : कल्याणमध्ये उल्हास नदीमध्ये (Ulhas River) दोन अल्पवयीन मुलं बुडाल्याची घटना समोर आली आहे. कल्याणच्या (Kalyan) मोहनेजवळ ही घटना घडली आहे. पोहण्यासाठी नदीत उतरलेल्या मुलगा बुडू लागल्यामुळे त्याला वाचवण्यासाठी गेलेल्या दुसरा मुलगा देखील बुडाला. या घटनेमुळे खळबळ उडाली आहे.

मिळालेल्या माहितीनुसार, मोहनेजवळ काही तरुण कपडे धुण्यासाठी उल्हास नदीवर गेले होते. पण त्याचवेळी या तरुणांसोबत आलेला एक अल्पवयीन मुलगा नदीमध्ये पोहण्यासाठी उतरला. पण पाण्याचा अंदाज न आल्यामुळे तो नदीमध्ये बुडू लागला. या मुलाला बुडताना पाहून त्यांच्यासोबत असलेल्या दुसऱ्या मुलाने त्याला वाचवण्यासाठी नदीमध्ये उडी मारली.

Nawab Malik Bail : माजी मंत्री नवाब मलिकांना 'सर्वोच्च' दिलासा! मनी लाँड्रिंग प्रकरणात अखेर जामीन मंजूर

बुडणाऱ्या मुलाला वाचवण्याच्या प्रयत्नात हा मुलगा देखील बुडाला. ही दोन मुलं बुडाल्याची माहिती कळताच अग्निशमन दलाच्या कर्मचाऱ्यांनी घटनास्थळी धाव घेतली. तसंच खडकपाडा पोलीस देखील घटनास्थळी दाखल झाले आहेत. या दोन्ही मुलांचा शोध अग्निशमन दलाच्या जवानांकडून सुरु आहे.