संतोष देशमुख हत्या प्रकरण: आरोपी जयराम चाटे भावाच्या बाराव्यासाठी चौदा महिन्यांनी तात्पुरता कारागृहाबाहेर

बीडच्या मस्साजोगचे सरपंच संतोष देशमुख हत्या प्रकरणातील आरोपी जयराम चाटे १४ महिन्यानंतर जेल बाहेर पडला. जयराम चाटेच्या भावाचे २ मार्च रोजी निधन झाले होते. त्याच्या बाराव्याच्या विधीसाठी जयराम चाटेच्या वकिलांनी न्यायालयात अर्ज केला होता. याच अर्जावर अटी शर्ती घालत न्यायालयाने जयराम चाटेला बाराव्याच्या विधीस उपस्थित राहण्याची परवानगी दिली. दुपारी ४ वाजेपर्यंत हा वेळ दिला गेला आहे. बीड जिल्हा कारागृहातून जयराम चाटे पोलिस बंदोबस्तात बाहेर पडला. जयरामच्या तांबवा या गावी भावाचा बाराव्याचा विधी होत आहे. या दरम्यान कायदा आणि सुव्यवस्थेचा प्रश्न निर्माण होणार नाही याची दक्षता प्रशासनाला घ्यायची आहे.