Navapur Car Accident : दोन कारची समोरासमोर धडक; तीन जण गंभीर, पोलीस कर्मचाऱ्याचा समावेश

नंदूरबार : नवापूर तालुक्यातील खांडबारा विसरवाडी रस्त्यावर आज दुपारीचा सुमारास दोन कारची समोरासमोर जोरदार धडक झाली. यात तीन जण गंभीर जखमी झाले असून जखमीत पोलिस कर्मचारीचा समावेश आहे. 

नवापूर तालुक्‍यातील खांडबारा– विसरवाडी रस्‍त्‍यावर विसरवाडीच्‍या दिशेने जात असलेली कार व गुजरात राज्यातून नंदुरबारच्या दिशेने जात असलेल्‍या कारची समोरासमोर जोरदार धडक झाली. हा अपघात खांडबारा विसरवाडी रस्त्यावर खातगाव फाट्याजवळ झाला. यात सतीश सिंग (वय २८), दीपक यादव (वय २७) तसेच पोलीस कर्मचारी केशव गावित हे तिघे जण गंभीर जखमी झाले.

Dhule : पोलिसांना चकवा देत कार चालकाने जंगलात ठाेकली धूम; आठ लाखांची दारु जप्त

जखमी नंदुरबार जिल्हा रुग्णालयात

दोन कारचा अपघात झाल्‍याने परिसरातील नागरीकांनी धाव घेतली. यातील जखमी तिघांना १०८ रूग्णवाहिकेतून खांडबारा ग्रामीण रुग्णालयात उपचारासाठी दाखल करण्यात आले. मात्र तिघेजण गंभीर जखमी असल्याने त्‍यांना ग्रामीण रुग्णालयात प्राथमिक उपचार करून पुढील उपचारासाठी नंदुरबार जिल्हा रुग्णालयात पाठवण्यात आले आहे. या अपघातात दोन्ही वाहनांच्या पुढील भाग चक्काचूर झाला असून मोठे नुकसान झाले आहेत.