Accident News : मालवाहतूक वाहनांचा भीषण अपघात; डिझेल टाकी फुटल्याने ट्रक जळून खाक

आळेफाटा : या ठिकाणी दोन मालवाहतूक वाहनांचा भीषण अपघात होऊन डिझेल टाकी फुटल्याने मालवहातुक टेंम्पो पुर्णपणे जळाला पुणे-नाशिक या राष्ट्रीय महामार्गावरील आळेफाटा (ता.जुन्नर) या गावच्या हद्दीत आयशर टेंम्पो व पिकअप या दोन वहाणांमध्ये भीषण अपघात होऊन यामध्ये आयशर गाडीची डिझेल टाकी फुटल्याने ट्रकला भीषण आग लागुन टेंम्पो पूर्णपणे जळून खाक झाल्याची घटना रविवारी पहाटे दोन वाजेच्या सुमारास घडली.

या घटनेत पिकअप चालक गंभीर जखमी झाला असुन त्याला उपचारासाठी खाजगी रुग्णालयात दाखल करण्यात आले आहे. याबाबत आळेफाटा पोलिसांनी दिलेल्या माहितीनुसार रविवारी पहाटे दोन वाजण्याच्या सुमारास मालवाहू आयशर टेंम्पो एम.पी.०९जि.एफ.८४४६ हा नाशिकच्या दिशेने जात असताणा यावेळी समोरून येणारा मालवाहतूक पिकअप जी.जे.१५ -ए.व्ही.६२५७ त्यावर येऊन आदळल्याने जोराची धडक बसल्याने दोन्ही गाडया एकमेकाच्या विरुद्ध दिशेने जाऊन पडले .

या भीषण अपघातात आयशर ट्रकची डिझेल टाकी फुटल्याने आगीचा भडका उडाला. काही क्षणाच्या आत ट्रक आगीत भस्मसात झाला. सुदैवाने या अपघातात जीवित हानी झाली नाही. आग इतकी भयंकर होती की काही वेळातच संपूर्ण ट्रक जळून खाक झाला.घटनास्थळी आळेफाटा पोलीस स्टेशनचे पोलीस निरीक्षक यशवंत नलावडे यांणी योग्य त्या सुचना दिल्या.तसेच अग्निशामक दलाच्या गाड्यांणा घटनास्थळी बोलावुन आग आटोक्यात आणली.तसेच या ठिकाणी झालेल्या अपघातामुळे महामार्गावर नाशिक कडे जाणा-या वाहणांची वहातुकीची कोंडी झाली होती.