Mumbai ; झिरवळांची ‘विकेट’ जाणार? प्री-कॅबिनेट बैठकीत मोठा ट्विस्ट; सुनेत्रा पवारांच्या उपस्थितीत काय घडलं?

Mumbai :राज्याच्या राजकारणात सध्या अन्न व औषध प्रशासन मंत्री Narhari Zirwal यांच्या भोवती वादाचं वादळ घोंगावत आहे. आक्षेपार्ह व्हिडिओ व्हायरल झाल्यानंतर झिरवळ यांच्या अडचणीत मोठी वाढ झाली असून, त्यांच्या राजीनाम्याची चर्चा आता अधिक तीव्र झाली आहे.

मंत्रिमंडळ बैठकीपूर्वी उपमुख्यमंत्री Sunetra Pawar यांच्या उपस्थितीत राष्ट्रवादी काँग्रेस (अजित पवार गट) ची प्री-कॅबिनेट बैठक पार पडली. या बैठकीत झिरवळ यांच्या व्हायरल व्हिडिओ प्रकरणावर सविस्तर चर्चा झाल्याची माहिती समोर येत आहे. पक्षाची पुढील भूमिका काय असणार, याकडे सर्वांचे लक्ष लागले आहे.

 

दरम्यान, या महत्त्वाच्या प्री-कॅबिनेट बैठकीला स्वतः झिरवळ गैरहजर राहिल्याने चर्चेला आणखी उधाण आले. त्यांच्यासोबत मंत्री Makrand Patil यांनीही बैठकीकडे पाठ फिरवली. याशिवाय बाबासाहेब पाटील आणि इंद्रनील नाईल यांची अनुपस्थितीही राजकीय वर्तुळात चर्चेचा विषय ठरली आहे.

 

दुसरीकडे, बैठकीला Chhagan Bhujbal, Aditi Tatkare,Dattatray Bharneआणि Hasan Mushrif उपस्थित होते. या घडामोडींमुळे पक्षांतर्गत समीकरणे बदलत असल्याचे संकेत मिळत आहेत.

याच पार्श्वभूमीवर दुपारी 12 वाजता झालेल्या राज्य मंत्रिमंडळ बैठकीलाही झिरवळ अनुपस्थित राहिल्याची माहिती समोर आली आहे. त्यामुळे त्यांचे मंत्रिपद धोक्यात असल्याची चर्चा अधिकच जोर धरत आहे.

व्हिडिओ प्रकरणात नवा ट्विस्ट

दरम्यान, या संपूर्ण प्रकरणाला नवा वळण मिळालं आहे. ट्रान्सजेंडर पवन यादवसोबत झिरवळ यांचा एक व्हिडिओ व्हायरल झाला होता. या प्रकरणात पवन यादव यांनी आपल्या भावाविरोधात तक्रार दाखल केली असून, कफ परेड पोलीस ठाण्यात गुन्हा नोंदवण्यात आला आहे.

तक्रारीनुसार, FDA मध्ये नोकरी लावण्याच्या बहाण्याने मंत्र्यांसोबतचा व्हिडिओ व्हायरल करण्याची धमकी देण्यात आली होती. तसेच व्हिडिओ एडिट केल्याचाही आरोप करण्यात आला आहे.

पुढे काय?

विरोधकांकडून झिरवळ यांच्या राजीनाम्याची मागणी जोर धरत असताना, पक्ष त्यांना अभय देणार की कठोर निर्णय घेणार याकडे आता सर्वांचे लक्ष आहे. प्री-कॅबिनेट आणि मंत्रिमंडळ बैठकीतील अनुपस्थितीमुळे संशय अधिकच गडद झाला आहे.

राजकीय वर्तुळात एकच प्रश्न—झिरवळांची ‘विकेट’ जाणार का?