Tumbbad 2: कोण होणार हस्तरच्या भयानक दुनियेचा राजा? ‘तुंबाड 2’बद्दल मोठी अपडेट

Tumbaad 2 News: 2018 मध्ये प्रदर्शित झालेल्या ‘तुंबाज’ सिनेमाच्या कथेला अनेकांनी डोक्यावर घेतलं. हस्तरांच्या जगातील रहस्य… प्रेक्षकांच्या अंगावर काटे आणणारं होतं… सिनेमाने असा विक्रम रचला की, 2024 मध्ये सिनेमाला पुन्हा मोठ्या पडद्यावर प्रदर्शित करण्यात आलं. आता ‘तुंबाड 2’ लवकरच प्रेक्षकांच्या भेटीस येणार आहे आणि सिनेमाबद्दल मोठी अपडेट देखील समोर येत आहे. सिनमाचा अभिनेता आणि निर्माता सोहम शाह याने सिनेमाला आणखी ग्रँड करण्याचा निर्णय घेतला आहे… यासाठी शाह याने पेन स्टुडियोजचे जयंतीलाल गडा यांच्यासोबत हात मिळवणी केली आहे.

पेन स्टुडीयोज तोच बॅनर आहे, ज्याने ‘आरआरआर’ आणि ‘गंगूबाई काठियावाडी’ यांसारखे ब्लॉकबास्टर सिनेमे बॉलिवूडला दिलेलले आहे. ज्यामुळे स्पष्ट होतं की, ‘तुंबाड 2’ सिनेमात काहीतर आणखी मोठं होणार आहे. सिनेमाशी संबंधित सूत्रांनी दिलेल्या माहितीनुसार, यावेळी निर्माते एका अशा मजबूत खलनायकाच्या शोधात आहेत जो पडद्यावर सोहम शाहच्या म्हणजेच विनायक राव या व्यक्तिरेखेला तगडी टक्कर देऊ शकेल. या भूमिकेसाठी बॉलिवूडच्या दोन लोकप्रिय अभिनेत्यांवर विचार सुरु आहे. पहिलं नाव म्हणजे अभिनेता अक्षय खन्ना, तर दुसरं नाव म्हणजे नवाजुद्दीन सिद्दीकी आहे… त्यामुळे आता ‘तुबांड 2’ मध्ये देखील अक्षय खन्ना झळकणार का यावर चर्चा सुरु झाली आहे. पण याबद्दल कोणतीच अधिकृत माहिती समोर आलेली नाही.

निर्माते आणि दिग्दर्शकांचा एकच उद्देश आहे आणि तो म्हणज भयानक खलनायकाला समोर उभं करणं. मिळालेल्या माहितीनुसार, सिनेमाची टीम अशा चेहऱ्याच्या शोधात आहे जो भयावह असेल आणि प्रेक्षकांच्या मनात भीती निर्माण करू शकेल. कलाकारांच्या निवडीबाबत अद्याप कोणतीही अधिकृत घोषणा झालेली नसली तरी, या दोन नावांमुळे चाहत्यांमध्ये सिनेमाबाबतची उत्सुकता सातव्या थरावर पोहोचली आहे.

सिनेमाच्या कथेबद्दल सांगायचं झालं तर, लोभ, पौराणिक कथा आणि मानसिक भयानकतेच्या या भयानक जगाचं सत्य प्रेक्षकांना देखील आवडलं. कोरोना महामारीनंतर कोरोना सिनेमा ओटीटी प्लॅटफॉर्म हीट ठरला. त्यानंतर पुन्हा सिनेमा मोठ्या पडद्यावर प्रदर्शित करण्यात आला. तेव्हा सिनेमाने बॉक्स ऑफिस बक्कळ कमाई देखील केली आणि ‘तुंबाड 2’ सिनेमाची उत्सुकता चाहत्यांच्या मनात शिगेला पोहोचली आहे.