लंडनमध्ये लातूरच्या इंजिनीयरची आत्महत्या; कौटुंबिक वाद आणि मानसिक तणावामुळे उचलले टोकाचे पाऊल

लातूर: लातूर जिल्ह्यातील अहमदपूर तालुक्यातील बोडका गावातील रहिवासी असलेल्या एका तरुण इंजिनीयरने लंडनमध्ये राहत्या घरी आत्महत्या केल्याची धक्कादायक घटना समोर आली आहे. हनुमंत पाटील असे या मृत तरुणाचे नाव असून, या घटनेमुळे बोडका गावासह संपूर्ण परिसरात मोठी हळहळ व्यक्त होत आहे.

 

 

नेमकी घटना काय?
हनुमंत पाटील हे उच्चशिक्षित इंजिनीयर होते आणि चांगल्या करिअरच्या निमित्ताने गेल्या अनेक वर्षांपासून लंडन येथे स्थायिक झाले होते. त्यांचे आठ वर्षांपूर्वी लग्न झाले होते. मिळालेल्या माहितीनुसार, गेल्या काही काळापासून पती-पत्नीमध्ये कौटुंबिक मतभेद निर्माण झाले होते, ज्यामुळे ते वेगळे राहत होते.

 

मानसिक तणावाचे कारण
सूत्रांच्या माहितीनुसार, पत्नीने हनुमंत पाटील यांच्या कुटुंबीयांविरोधात सुमारे दोन कोटी रुपयांचा कायदेशीर दावा दाखल केला होता. या न्यायालयीन प्रक्रियेमुळे आणि वाढत्या कौटुंबिक वादामुळे हनुमंत पाटील हे गेल्या काही दिवसांपासून प्रचंड मानसिक तणावाखाली होते. याच तणावातून त्यांनी राहत्या घरी आत्महत्या केल्याची प्राथमिक माहिती समोर येत आहे.

या घटनेमुळे त्यांच्या कुटुंबीयांवर दुःखाचा डोंगर कोसळला आहे. हनुमंत पाटील यांचा मृतदेह लंडनवरून भारतात आणण्यात आला असून, त्यांच्या मूळ गावी अंत्यसंस्कार करण्यात आले. या घटनेने परदेशात स्थायिक झालेल्या अनेक मराठी तरुणांच्या मानसिक आरोग्याचा आणि कौटुंबिक कलहाचा प्रश्न पुन्हा एकदा ऐरणीवर आला आहे.

 

सविस्तर वाचा, लिंक कमेंट मध्ये  https://punenews24.in/