Sandip Deshpande: तर कोश्यारींना खूप चोपला असता… मनसे नेते संदीप देशपांडे यांचा खणखणीत इशारा

संदीप देशपांडे, भगतसिंग कोश्यारीImage Credit source: टीव्ही ९ मराठी

Sandip Deshpande on Bhagatsingh Koshyari: मनसे अध्यक्ष राज ठाकरे यांच्याविषयी काल माजी राज्यपाल भगतसिंह कोश्यारी यांनी मोठं वक्तव्य केलं होतं. राज ठाकरे हे नरेंद्र मोदी यांना जास्तच घाबरतात असा दावा कोश्यारी यांनी केला होता. त्यावरुन राजकारण ढवळून निघाले. मनसे गोटातून यावर प्रतिक्रिया अपेक्षित होती. आज मनसे नेते संदिप देशपांडे यांनी कोश्यारी यांच्या वक्तव्याचा चांगलाच खरपूस समाचार घेतला. त्यांनी कोश्यारींना चांगलेच सुनावले.

तर चांगला चोपला असता

आज जर भगतसिंग असते तर त्या कोश्यारींना खूप चोपला असता अशी प्रतिक्रिया मनसे नेते संदीप देशपांडे यांनी दिली. कोश्यारी यांनी पहिलं नाव बदलावं असा सल्लाही त्यांनी दिला. कालच्या कोश्यारींच्या वक्तव्यावरून मनसे नेते भडकल्याचे दिसून आले. कोश्यारींनी नाशिकमध्ये बोलता बोलता राज ठाकरे यांच्यावर टीका केली होती. राज ठाकरे यांनी संघाच्या कार्यक्रमात सेलिब्रिटीवरून निशाणा साधला होता. त्याला प्रत्युत्तर देताना कोश्यारींनी राज ठाकरे यांच्यावर खोचक टीका केली होती. त्यावर आज मनसे स्टाईलने प्रतिक्रिया देण्यात आल्याचे दिसून आले.

रोड खोदण्याची परवानगी कुणी दिली?

मुंबईत सिमेंटचे रोड सुरु झाले आहेत त्याची काम सुरु आहेत. हे रोड बनवून झाल्यावर ते पून्हा खोदायची काम सुरू झाली आहेत. याला कोणी परवानगी दिली आहे. रोड बनवल्यावर रोड खोदण्याची गरज काय पडली? रोड खोदल्यावर मुंबई शहरात बेस्टची केबल असताना टाटा पॉवरला परवानगी का देण्यात आली? टाटा पॉवरला परवानगी देताना म्हटले आहे कि 220k केबल टाकण्यासाठी परवानगी दिलेली आहे. या इलेक्ट्रिक केबल नाहीत त्या ऑप्टिकल फायबर केबल का टाकण्यात येत आहेत. टाटा पॉवरला परवानगी दिलीय तर चार प्रकारच्या केबल का टाकल्या जातायत? असा सवाल संदीप देशपांडे यांनी विचारला.

अधिकाऱ्यांची चौकशी करा

काल आम्ही या संदर्भात अधिकार्‍यांची बैठक केली. त्या अधिकार्‍यांकडे कोणतंही उत्तर नव्हतं त्यामुळे आम्ही तक्रार नोंदवली आहे. याच्या अगोदर राज ठाकरे आणि आम्ही पालिकेत गगराणी यांना भेटलो होतो. जेव्हा केबल टाकण्यासाठी खोदकाम केलं जात तेव्हा फक्त खड्डे भरण्याचे पैसे त्यांना दिले जातात पालिकेला अधिक पैसा का दिले जात नाहीत? कोणते अधिकारी आहेत ज्यांनी अधिकार्‍याच्या बाहेर जाऊन काम केले जात आहेत. या अधिकार्‍यांची चौकशी झाली पाहिजे. लोकांना त्रास होतो पालिकेला काही मिळत नाही. पालिकेला ठणठण गोपाळ मिळतंय अशी टीकाही संदीप देशपांडे यांनी केली.

आतापर्यंत प्रशासन होत त्या काळात सर्व सुरु होत आता नगरसेवक आवाज उठवतील असं वाटतय पण आमचे नगरसेवक देखील आवाज उठवतील. त्यांना इलेक्ट्रिक केबल बसवण्याची परवानगी देण्यात आली असेल तर तेवढच त्यांनी कराव त्यांनी त्याऐवजी ऑप्टिकल फायबरची परवानगी दिली असताना त्यांनी जर बॉम्ब ठेवला तर कस चालेल यावर अंकुश ठेवला पाहिजे, असे देशपांडे म्हणाले.

उबाठाच्या नगरसेवकांना एक एक कोटी

मला मिळालेली माहिती आहे कि उबाठाचे नगरसेवक आहेत त्यांना एक एक कोटी देण्यात आले आहेत. यावरून त्यांना वेगळ्या ऑफर दिल्या आहेत. संजय राऊत यांना अंधारात ठेवलं कि त्यांनी स्वत:हून डोळ्यावर पट्टी बांधली हे पाहावं. संजय राऊत यांच असं झालंय कि हम करे तो रासलीला आणि तुम करे तो कॅरेक्टर ढिला असं कसं चालेल, अशी टीका संदीप देशपांडे यांनी केली.