Pune : पुण्यात भाजपकडून कडक कारवाई; बंडखोरांना मोठा धक्का, अमोल बालवडकरांसह 69 जणांचं पक्षातून सहा वर्षांसाठी निलंबन

Pune : विधानसभा निवडणुकीत पक्षाच्या अधिकृत भूमिकेशी फारकत घेत बंडखोरी करणाऱ्यांवर भारतीय जनता पक्षाने कठोर कारवाईचा बडगा उगारला आहे. पुण्यात पक्षादेश झुगारणाऱ्या अमोल बालवडकर यांच्यासह एकूण 69 पदाधिकारी आणि कार्यकर्त्यांना तडकाफडकी निलंबित करण्यात आलं आहे. भाजपचे शहराध्यक्ष धीरज घाटे यांनी ही अधिकृत घोषणा केली असून, या सर्वांवर थेट सहा वर्षांसाठी ही कारवाई करण्यात आली आहे.

शिस्तभंग करणाऱ्यांवर कारवाई
निवडणुकीच्या काळात पुण्यातून भाजपच्या तिकिटावर लढण्यासाठी इच्छुकांची मोठी गर्दी झाली होती. सुमारे अडीच हजार कार्यकर्त्यांनी उमेदवारीसाठी पक्षाकडे साकडे घातलं होतं. मात्र, जागावाटपाचे गणित आणि बाहेरून पक्षात आलेल्या नेत्यांमुळे अनेक निष्ठावंतांना उमेदवारी मिळू शकली नाही. या नाराजीतून काही कार्यकर्त्यांनी थेट बंडाचे निशाण फडकवत निवडणूक लढवली, तर काहींनी पडद्यामागून विरोधी उमेदवारांना मदत करणे पसंत केले. अशा शिस्तभंग करणाऱ्यांवर आता पक्षाने वेचून कारवाई करण्यास सुरुवात केली आहे.

सर्वाधिक बंडखोर हडपसरमध्ये
धीरज घाटे यांनी जाहीर केलेल्या यादीनुसार, सर्वाधिक बंडखोर हे हडपसर विधानसभेतील आहेत. यामध्ये हडपसर विधानसभा मतदारसंघातील 19 जण निलंबित केले आहेत तर, खडकवासला मधील 9 जण, पुणे कॅन्टोन्मेंट मधील 9 जण, वडगाव शेरी मधील 8 जण, शिवाजीनगर मधील 7 जण, कोथरूड मधील 6 जण, कसबा पेठ मधील 6 जण आणि पर्वतीमधील 4 जणांचे निलंबन करण्यात आले आहे.

कठोर कारवाई निश्चित
विशेष म्हणजे, निलंबनाची कुऱ्हाड कोसळलेल्या या यादीतील बहुतांश जणांनी कारवाई होण्याआधीच पक्षाला रामराम ठोकला असल्याचे बोलले जात आहे. या कारवाईबाबत माहिती देताना शहराध्यक्ष धीरज घाटे म्हणाले की, "पक्षाच्या वरिष्ठ नेतृत्वाच्या आणि प्रदेशाध्यक्षांच्या आदेशानुसार ही शिस्तभंगाची कारवाई करण्यात आली आहे. पक्षात राहून पक्षविरोधी कारवाया खपवून घेतल्या जाणार नाहीत. ज्यांनी निवडणुकीत पक्षाच्या विरोधात काम केले आहे, त्यांना सहा वर्षांसाठी पक्षातून बाहेरचा रस्ता दाखवण्यात आला आहे. भविष्यातही कोणत्याही पदाधिकाऱ्याने अशी वर्तणूक केल्यास त्यांच्यावर कठोर कारवाई निश्चित आहे."

कोणाचे करण्यात आले निलंबन ?
कसबा विधानसभा मतदारसंघ
धनंजय जाधव
चंद्रकांत पोटे
कादंबरी साळवी
जितेंद्र दळवी
किशोर तरवडे

कोथरूड विधानसभा मतदारसंघ
अमोल बालवडकर
सोमनाथ गुंड
मानसी सोमनाथ गुंड
अनिता तलाठी
पल्लवी गाडगीळ
दत्ता भगत
विनोद मोहिते

शिवाजीनगर विधानसभा मतदारसंघ
रमेश भंडारी
समाधान शिंदे
मधुकर मुसळे
प्रकाश ढोरे
बाळासाहेब रानवडे
मंजू वाघमारे
प्रीती वालेकर

हडपसर विधानसभा मतदारसंघ
संदीप लोणकर
स्मिता गायकवाड
संतोष शिंदे
युवराज कुचेकर
इम्तीयाज मोमीन
पुरुषोत्तम अण्णा दारवाटकर
अभिजीत डोंगरे
छाया गदादे
नवल कुंजीर
समीर पठाण
प्रणव मोरे
योगेश सूर्यवंशी
अश्विनी योगेश सूर्यवंशी
नलिनी मोरे
संगिता ठोसर
अनिल मेमाणे
नितीन मारकड
सतिश मारकड
वर्षा मारकड
रुपेश घुले
बाप्पू पोकळे
किरण बारटक्के
अमोल रायकर
संदीप पोकळे
मोहिनी देवकर
रितेश रासकर
सचिन दशरथ दांगट
सुरेंद्र कंधारे

वडगावशेरी विधानसभा मतदारसंघ
संदीप जहऱ्हाड
सुनीता गलांडे
किशोर वाघमारे
विजय चौगुले
अन्वर पठाण
राजू साखरे
ऐश्वर्या जाधव
जितेंद्र जगताप

पुणे कॅन्टोन्मेंट विधानसभा मतदारसंघ
प्रवीण खेडकर
स्मिता खेडकर
उज्ज्वला गौड
बाळासाहेब घोडके
सुरेश धनगर
स्वाती धनगर
सुवर्णा भरेकर
पल्लवी केदारी
राहुल शर्मा

पर्वती विधानसभा मतदारसंघ
हरिष परदेशी
बंडू जायभाय
नीता थोरवे
प्रीतम नागापुरे