Ratnagiri : वरवडे येथे एलईडी लाईट व जनरेटर लावून मासेमारीस मदत करणाऱ्या नौकेवर कारवाई

Ratnagiri – रत्नागिरी तालुक्यातील वरवडे किनाऱ्यापासून १० वाव समुद्रात अनधिकृतपणे एलईडी लाईट व जनरेटर लावून मासेमारी करणाऱ्या नौकांना मच्छीमारीसाठी मदत करणाऱ्या एका बोटीला कस्टम विभागाच्या गस्ती पथकाने ताब्यात घेतले आहे. या नौकेवर कारवाई करुन ती रत्नागिरी बंदरात आणण्यात आली आहे. कस्टम विभागाने मध्यरात्री ही कारवाई केली.

कारवाई करण्यात आलेल्या बोटीवर दहा लाखाहून अधिक किमतीचे एलईडी लाईट व जनरेटर साहित्य ताब्यात घेण्यात आले आहेत.ही नौका साखरीनाटे येथील नसरीन वाडकर यांच्या नावावर अब्बास अली ही नौका आहे. पुढील कारवाईसाठी मत्स्य विभागाकडे वर्ग करण्यात आली आहे.

Baramati : पुतळ्याचे नूतनीकरण अनावरण समारंभ व शेतकरी मेळाव्यासाठी अजित पवार बारामती दौऱ्यावर

कस्टम विभागाचे पथक रात्री समुद्रात गस्त घालीत असताना मध्यरात्री साडेबारा वाजण्याच्या सुमारास वरवडे गावापासून १० वाव समुद्रात जनरेटरवर मोठमोठे एलईडी लाईट लावून मच्छीमारांना एक नौका मदत करीत असल्याचे लक्षात आले. कस्टमचे गस्तीपथक त्या ठिकाणी पोहचले असता, मच्छीमारी नौका पळून गेल्या, मात्र एलईडी लाईट दाखवणारी नौका या पथकाने ताब्यात घेतली आहे.

ताब्यात घेण्यात आलेल्या नौकवर कस्टमचे सहाय्यक आयुक्त संदीप कृष्णा यांच्या मार्गदर्शनाखाली कारवाई करण्यात आली. यावेळी या पथकात अधीक्षक अतुल गायकवाड, निरीक्षक अरुण साहू, अक्षय नागुलवार, राम दयाल, प्रमुख हवालदार पी.टी. जाधव, हवालदार रोहीत राजन यांच्यासह गिरीश वॉरियर, सुरज खडपकर, चेतन पाटील, सुकांता मोंडल, कृष्ण बिश्वास, शक्तीवेल पी., तेलमपूर्ती वेंकटसाई, राजाधिकारी, पी. के. स्वेन यांच्या पथकाने ही कारवाई केली.