Rahul Gandhi: राहुल गांधींना मोठा दिलासा, जामीनदार बदलला; भिवंडी न्यायालयात नेमकं काय घडलं?

लोकसभेचे विरोधी पक्षनेते राहुल गांधी यांनी आज भिवंडी जिल्हा अतिरिक्त सत्र न्यायालयात हजेरी लावली. आरएसएसबाबत केलेल्या एका वादग्रस्त विधानावरून त्यांच्याविरोधात मानहानीचा दावा करण्यात आला होता. या खटल्यातील एक महत्वाची न्यायालयीन प्रक्रिया पूर्ण करण्यासाठी ते आज न्यायालयात उपस्थित राहिले होते. राहुल गांधी यांचे आधीचे जामीनदार आणि काँग्रेसचे माजी केंद्रीय मंत्री शिवराज पाटील चाकोरकर यांचे निधन झाल्यामुळे त्यांचा जामीन रद्द झाला होता. आज पुन्हा नव्याने जामीन प्रक्रिया पूर्ण करण्यात आली.