Pune : पुण्यात भाजप गटनेतेपदी बीडकर; स्थायी समिती अध्यक्षपदासाठी दोन नावे आघाडीवर, कोणाची लागणार वर्णी?

Pune : भारतीय जनता पक्षाने महापालिकेच्या गटनेतेपदी माजी सभागृह नेते गणेश बीडकर यांची नियुक्ती केली आहे. प्रदेशाध्यक्ष रवींद्र चव्हाण यांनी बीडकर यांच्या नावाची घोषणा केली असून, भाजपचे सर्व नवनिर्वाचित नगरसेवक आज, शनिवारी विभागीय आयुक्त कार्यालयात गटाची नोंदणी करणार आहेत.

पुणे महापालिकेत एकहाती सत्ता आलेल्या भाजपचा गटनेता हा सभागृह नेता असणार आहे. शहर भाजपने माजी सभागृह नेते गणेश बीडकर, श्रीनाथ भिमाले, शहराध्यक्ष धीरज घाटे यांच्या नावाची गटनेतेपदासाठी प्रदेश भाजपकडे शिफारस केली होती. त्यानुसार प्रदेशाध्यक्ष चव्हाण यांनी गटनेतेपदी बीडकर यांच्या नावाची घोषणा केली आहे.

Nashik Ring Road : नाशिक रिंग रोडच्या कामांना गती; १० फेब्रुवारीपर्यंत महत्त्वाचा टप्पा पूर्ण, १८ गावांना जोडणारा मार्ग कसा असेल?

महापौरपदासाठी मागासवर्गाचे आरक्षण पडले असते, तर बीडकर आणि भिमाले यांच्यात महापौरपद मिळवण्यासाठी जोरदार तसेच स्थायी समिती अध्यक्षपद मिळवण्याकडे वळवण्यात आला. बीडकर यांच्या नावाची घोषणा झाल्यामुळे आता स्थायी समिती अध्यक्षपद मिळवण्यासाठी जोरदार प्रयत्न केले जातील, यात शंका नाही. पुणे महापालिकेत सन २०१७मध्ये भाजपकडे सत्ता आल्यानंतर सर्वप्रथम श्रीनाथ भिमाले, त्यानंतर धीरज घाटे व सर्वांत अखेरीस बीडकर सभागृहनेते झाले होते. घाटे सध्या शहराध्यक्ष असल्याने ते सभागृह नेता बनण्याची शक्यता कमी असल्याची शक्यता 'महाराष्ट्र टाइम्स'ने यापूर्वीच वर्तवली होती.

स्थायी समितीचे अध्यक्ष कोण ?
स्थायी समितीच्या अध्यक्षपदी वर्णी लागण्यासाठी भाजपमधील इच्छुकांकडून जोरदार प्रयत्न सुरू आहेत. गटनेतेपदी बीडकर यांची नियुक्ती केल्याने स्थायी समितीचे अध्यक्षपद मिळवण्यासाठी श्रीनाथ भिमाले, राजेंद्र शिळीमकर यांच्यात स्पर्धा सुरू झाली आहे.

'शिवसेने'चे गावडे गटनेते
हडपसर-सातववाडी या प्रभागातून शिवसेनेचे (उबाठा) नितीन गावडे हे एकमेव नगरसेवक निवडून आले आहेत. त्यामुळे शिवसेनेचे ते गटनेते होणार आहेत. शिवसेनेला गावडेमुळे पालिकेच्या मुख्य इमारतीत कार्यालय उपलब्ध होणार आहे.

राष्ट्रवादीचे निकम, तर शरद पवार गटाच्या चव्हाणांना संधी
राष्ट्रवादी काँग्रेसकडून स्थायी समितीचे माजी अध्यक्ष नीलेश निकम यांची गटनेतेपदी नियुक्ती केली आहे, तर राष्ट्रवादी काँग्रेस शरदचंद्र पवार पक्षाकडून काका चव्हाण यांची गटनेतीपदी नियुक्ती करण्याचा निर्णय जाहीर करण्यात आला आहे. दोन्ही राष्ट्रवादी काँग्रेसचे नगरसेवक हे एकत्रितरित्या गटस्थापनेसाठी जाणार आहेत. दोन्ही पक्ष आपापल्या गटांची नोंदणी विभागीय आयुक्तांसमोर करणार आहेत. राष्ट्रवादी काँग्रेसला २७ जागा मिळाल्या असून, त्यांच्याकडे महापालिकेचे विरोधी पक्षनेतेपद जाणार असल्याचे स्पष्ट झाले आहे. त्यानुसार निकम हे महापालिकेचे विरोधी पक्षनेते बनणार आहेत, राष्ट्रवादी काँग्रेस शरदचंद्र पवार पक्षाचे केवळ तीन नगरसेवक निवडून आले आहेत. त्यामध्ये शिवणे-खडकवासला या प्रभागातून निवडून आलेले काका चव्हाण यांची गटनेता म्हणून वर्णी लागली आहे. चव्हाण हे खडकवासला विधानसभा, तर बारामती लोकसभा मतदारसंघातील आहेत. पक्षातही ते ज्येष्ठ नेते असून, खासदार सुप्रिया सुळे यांचे विश्वासू सहकारी आहेत.