Pune News: लाडका डोंगर योजना राबवावी; पर्यावरणप्रेमी पुणेकराची राज्य सरकारकडे मागणी

Pune  : हिंगणे भागातील तळजाई टेकडीच्या मागील भागाचे अनधिकृतरीत्या सपाटीकरण सुरू असून, त्यामुळे होऊ घातलेली दुर्घटना टाळण्यासाठी पुणे महापालिका आणि वन विभागाने तातडीने पावले उचलावीत. वायनाडमध्ये झालेल्या दुर्घटनेची पुनरावृत्ती टाळण्यासाठी ‘लाडकी बहीण’ योजनेप्रमाणे ‘लाडका डोंगर’ ही योजना राबवावी. पुण्याला लागून असलेल्या सह्याद्रीतील डोंगररांगाचे रक्षण करावे, अशी मागणी पर्यावरणप्रेमी अनंत घरत यांनी पत्रद्वारे पालकमंत्री अजित पवार यांना केली आहे.

तळजाई टेकडीवरील तक्रारींचे पत्र घरत यांनी महापालिका आयुक्त आणि तहसीलदारांनाही पाठवले आहे. ‘पुण्यातील टेकड्यांवर जैववैविध्य उद्यान (बीडीपी) आरक्षण असताना अनाधिकृतपणे प्लॉटिंग करून भूमाफिया सामान्य जनतेची आणि प्रशासनाची फसवणूक करत आहेत. हिंगणे खुर्दमधील अथर्व नगर जवळील विकास आराखड्यातील ४० फुटी नैसर्गिक नाला भूमाफियांनी बुजवला. तळजाईच्या डोंगरातून येणारे धबधबे, जिवंत झरे, प्रवाह यांचे डोंगरफोड करून नुकसान करण्यात आले. डोंगरफोडीतून गौणखनिज, मुरूम उत्खनन करून शेकडो ट्रक विकले गेले आहे. त्याला जबाबदार असणाऱ्यांवर प्रशासन कारवाई करीत नाही,’ अशी घरत यांची तक्रार आहे.

Badlapur Protest : सरकारला बदनाम करण्यासाठी बदलापूरचं आंदोलन, लाडकी बहीण योजनेविरोधात लगोलग बॅनर कसे छापले? : मुख्यमंत्री शिंदे

राज्या सरकारच्या आदेशानुसार टेकड्यांवर अनधिकृत बांधकाम आणि प्लॉटिंगची माहिती महापालिकेला देण्यासाठी बीट ऑफिसर नेमले आहेत; पण त्यांनी आपली जबाबदारी पार पाडली नाही. तळजाई टेकडीलगतच्या भागात भिंतीपासून टेकडी फोडून पूर्णपणे सपाटीकरण केल्यामुळे आता मुसळधार पावसात वन विभागची भिंत कोसळून दुर्घटना होण्याची शक्यता आहे. काही वर्षांपूर्वी माळीण गावात उत्खनन केल्यामुळे पूर्ण गाव दरडीच्या खाली गेले होते. तशीच परिस्थिती हिंगण्यामध्येही होईल. वायनाड दुर्घटनेची पुनरावृत्ती टाळण्याची गरज असून, त्यासाठी प्रशासनाने गांभीर्याने लक्ष देऊन संबंधितांवर कठोर कारवाई करावी,’ अशीही घरत यांची मागणी आहे.
तळजाई टेकडीलगतच्या भागात भिंतीपासून टेकडी फोडून पूर्णपणे सपाटीकरण केल्यामुळे आता मुसळधार पावसात वन विभागची भिंत कोसळून दुर्घटना होण्याची शक्यता आहे. काही वर्षांपूर्वी माळीण गावात उत्खनन केल्यामुळे पूर्ण गाव दरडीच्या खाली गेले होते. तशीच परिस्थिती हिंगण्यामध्येही होईल.