Pune : भाजपचा मोठा झटका! ४२ माजी नगरसेवकांची उमेदवारी कापली, नेत्यांच्या मुलांनाही तिकीट नाकारलं; संपूर्ण यादी पाहा

Pune : पुणे महापालिकेच्या १६५ जागांसाठी ४१ प्रभागांमधून मंगळवारी दिवसभरात दोन हजार २९८; तर एकूण तब्बल तीन हजार ४१ अर्ज दाखल झाले आहेत. बुधवारी अर्जाची छाननी होणार आहे. सर्वच प्रभागांत मुख्य राजकीय पक्षांच्या अनेक उमेदवारांनी अर्ज भरलेले आहेत. त्यामुळे छाननी झाल्यानंतर ज्यांचे अर्ज वैध झाले आहेत, त्यांना अर्ज माघारी घेण्यासाठी अधिकृत उमेदवार व नेत्यांना प्रयत्न करावे लागणार आहेत. अन्यथा बंडखोर उमेदवारांच्या उपद्रवाला सामोरे जावे लागणार आहे.

पुण्यात भाजप आणि शिवसेनेतील जागावाटपाच्या वादामुळे युती तुटल्याने भाजपने १५८ ठिकाणी उमेदवार दिले आहेत. तर सात जागा रिपब्लिकन पार्टी ऑफ इंडियाला (रिपाइं) सोडण्यात आल्या आहेत. तिकीट वाटप करताना भाजपमध्ये मंगळवारी दुपारी एक वाजेपर्यंत उमेदवार बदलण्याची प्रक्रिया सुरू होती. यात अनेक दिग्गजांची उमेदवारी नाकारून त्यांना घरी बसविण्यात आले आहे. १६५ पैकी ९० जागांवर महिलांना, तर ७५ ठिकाणी पुरुष उमेदवारांना संधी दिली आहे.

Pune : पुण्यात राष्ट्रवादीचा निर्णय पक्का, पवारांचे १६५ मावळे भाजपला देणार तगडी झुंज; संपूर्ण यादी जाहीर

भाजपने तयार ठेवले उमेदवार

शिवसेनेबरोबर युती होणार असल्याने भाजपने त्यांच्यासाठी १५ जागा सोडून अन्य ठिकाणचे उमेदवार निश्चित केले होते. त्यातील सुमारे १०० जणांना भाजपने सोमवारी एबी फॉर्म दिले. त्यानंतर उर्वरित उमेदवारांना सोमवारी मध्यरात्री, तर काहींना आज उमेदवारी अर्ज भरण्यासाठी अर्धा ते एक तास शिल्लक असताना उमेदवारी दिली आहे. शिवसेना युती तोडू शकते ही शक्यता गृहित धरून भाजपने तेथे उमेदवार तयार ठेवले होते. त्यानुसार या १५ जागांवर भाजपच्या कार्यकर्त्यांना अचानक संधी देण्यात आली.

माजी नगरसेवकांचं तिकीट कापलं

भाजपने अनेक माजी नगरसेवकांची उमेदवारी कापली आहे. त्यातील अनेकांनी पक्षांतर करून अन्य पक्षांत उमेदवारी मिळवली आहे. आमदारांच्या नातेवाइकांना उमेदवारी दिली जाणार नव्हती; पण मानसी देशपांडे, वर्षा तापकीर, रंजना टिळेकर या पूर्वीपासून नगरसेविका असल्याने त्यांना पुन्हा एकदा संधी दिली आहे. इतर पक्षांतून भाजपमध्ये प्रवेश केलेल्या इच्छुकांना उमेदवारी दिली असून, केवळ विकास दांगट यांना उमेदवारी दिली नव्हती. त्यांनी आता अपक्ष अर्ज दाखल केला आहे. याचप्रमाणे प्रभाग क्रमांक ३३ शिवणे खडकवसाला येथे बंडखोरी झाल्याने भाजपचे उमेदवार धोक्यात येऊ शकतात.

पुण्यात भाजपकडून विद्यमान नगरसेवकांची तिकीट कापून नव्यांना संधी देण्यात आलीय. पुण्यात भाजपने यंदा निम्म्या विद्यमान नगरसेवकांची उमेदवारी नाकारलीय. शिवाय काही आमदार आणि नेत्यांचा मुलांनाही तिकीट नाकारलं आहे. भाजपनं ४२ विद्यमान नगरसेवकांच तिकीट कापलं आहे.

ऐश्वर्या जाधव

मारुती सांगळे

आयुब शेख

श्वेता गलांडे-खोसे

मुक्ता जगताप

सुनीता गलांडे

संदीप जराड

सोनाली लांडगे

राजश्री काळे

आदित्य माळवे

सुनीता वाडेकर

अर्चना मुसळे

बंडू ढोरे

स्वप्नाली सायकर

ज्योती कळंबकर

अमोल बालवडकर

श्रद्धा प्रभुणे

हर्षाली माथवड

दीपक पोटे

माधुरी सहस्त्रबुद्धे

जयंत भावे

स्वाती लोखंडे

नीलिमा खाडे

ज्योत्स्ना एकबोटे

राजेश येनपुरे

योगेश समेळ

सुलोचना कोंढरे

विजयालक्ष्मी हरियार

आरती कोंढरे

सम्राट थोरात

मनीषा लडकत

संजय घुले

कविता वैरागे

राजश्री शिळीमकर

प्रवीण चोरबोले

सरस्वती शेंडगे

आनंद रिठे

शंकर पवार

वृषाली चौरे

नीता दांगट

राजश्री नवले

दिशा माने

४१ प्रभाग, १६५ जागा, ३ हजार ४१ अर्ज

पुणे महापालिकेच्या ४१ प्रभागांतून १६५ जागांसाठी उमेदवारी अर्ज भरण्याची प्रक्रिया २३ डिसेंबरपासून सुरू झाली होती. मंगळवारी शेवटच्या दिवसापर्यंत एकूण ११ हजार ७९६ नामनिर्देशन अर्जाची विक्री झाली. २३ ते २९ डिसेंबरदरम्यान ७४३ नामनिर्देशन पत्र दाखल झाले. मंगळवारी शेवटच्या दिवशी उमेदवारांची प्रचंड गर्दी झाली होती. १५ क्षेत्रीय कार्यालयांत सायंकाळी सातपर्यंत एकूण दोन हजार २९८ अर्ज दाखल झाले. या संपूर्ण कालावधीत ४१ प्रभागांत १६५ जागांसाठी एकूण तीन हजार ४१ अर्ज दाखल झाले आहेत.