Pune News : पुण्यातील अनेक वाहतूक मार्गात बदल; रामलल्ला प्राणप्रतिष्ठेनिमित्त विविध कार्यक्रम

Pune News : अयोध्यामध्ये श्री रामजन्मभूमी मंदिरात रामलल्लाच्या मूर्तीची आज प्राणप्रतिष्ठा होत आहे. यानिमित्ताने पुणे शहरात विविध कार्यक्रम होणार आहेत. या पार्श्वभूमीवर शहर पोलिसांकडून चोख बंदोबस्त ठेवण्यात येणार आहे. तसेच, कार्यक्रमांसाठी विविध ठिकाणच्या वाहतुक मार्गातही बदल करण्यात आला आहे. 

अयोध्या येथे होत असलेल्या रामलल्ला प्राणप्रतिष्ठा सोहळ्यानिमित्ताने विविध ठिकाणी धार्मिक कार्यक्रम होत आहेत. त्यानुसार पुणे शहरात मध्यवस्तीपासून उपनगरात विविध ठिकाणी सांस्कृतिक आणि धार्मिक कार्यक्रमांचे आयोजन करण्यात आले आहे. या दिवशी शोभायात्रा आणि मिरवणुकाही काढण्यात येणार आहेत. राज्य सरकारने सोमवारी सार्वजनिक सुटी देखील जाहीर केली आहे. त्यामुळे या कार्यक्रमांना लोकांनी गर्दी होण्याची शक्यता आहे.

Pandharpur News : भगव्या पोशाखात खुललं सावळ्या विठुरायाचे रुप; अयोध्येतील प्राणप्रतिष्ठा सोहळ्यानिमित्त पंढरपूर सजले

कायदा सुव्यवस्था राखण्यासाठी आणि सर्व कार्यक्रम शांततेत पार पडावे; यासाठी शहर पोलिसांनी चोख बंदोबस्त नेमला आहे.  स्थानिक पोलिसांसह शिवाजीनगर मुख्यालयातील आरक्षित कर्मचारी आणि राज्य राखीव पोलिस दलाच्या (एसआरपीएफ) दोन कंपन्या बंदोबस्तासाठी नेमण्यात आल्या आहेत. तसेच वाहतूक मार्गात देखील बदल करण्यात आला आहे.