Pune : पुणेकरांना काहिसा दिलासा! २४ तासांत जीबी सिंड्रोमचा एकही रुग्ण नाही, रुग्णसंख्या १३० वर स्थिर

Pune : गेल्या काही दिवसांपासून पुण्यामध्ये जीबीएस आजाराने थैमान घातलं आहे. जीबी सिंड्रोम आजाराच्या रुग्णसंख्येमध्ये सतत वाढ होत असल्यामुळे पुणेकरांचे टेन्शन वाढलं होतं. या आजारामुळे राज्यात दोघांचा मृत्यू झाला.

पहिला मृत्यू सोलापुरात तर दुसरा मृत्यू पुण्यामध्ये गेला. त्यामुळे पुणेकर चांगलेच धास्तावले आहेत. पण आता पुणेकरांना काहिसा दिलासा मिळाला आहे. कारण पुण्यात गेल्या २४ तासामध्ये जीबी सिंड्रोमची लागण झालेला एकही रुग्ण सापडला नाही. रुग्णांची सख्या १३० वर स्थिर झाली आहे.

Maha Kumbh Mela Stampede : कुंभमेळ्यातील चेंगराचेंगरीवरून संजय राऊत संपातले, म्हणाले- सदोष मनुष्यवधाचा गुन्हा दाखल करावा?

मिळालेल्या माहितीनुसार, पुण्यात गेल्या २४ तासांत एक ही जीबीएस रुग्णाची नोंद झाली नाही. पुण्यात जीबीएस रुग्णांची संख्या १३० वर स्थिर झाली आहे. यामधील २५ रुग्ण पुणे शहरातील असून इतर ७४ रुग्ण पुणे महापालिकेच्या नव्याने समाविष्ट झालेल्या भागातील आहेत. एकूण रूग्णांपैकी २० रुग्ण व्हेंटिलेटर आहेत. पुण्यातील कमला नेहरू रुग्णालय यासह इतर रुग्णालयात या रुग्णांवर उपचार सुरू आहेत.

पुण्यामध्ये बुधवारी जीबी सिंड्रोमची लागण झालेल्या एका रुग्णाचा मृत्यू झाला. ससून रुग्णालयामध्ये उपचारादरम्यान या रुग्णाचा मृत्यू झाला. सध्या पुण्यामध्ये जीबी सिंड्रोमची लागण झालेल्या रुग्णआंची संख्या १३० वर पोहचली आहे. फक्त पुण्यातच नाही तर सोलापूर आणि सांगली याठिकाणी जीबी सिंड्रोमची लागण झालेले रुग्ण सापडले आहेत. त्यामुळे प्रशासन अलर्ट मोडवर आले आहेत.