Pune : पुण्यातील नामांकित पबवर पोलिसांची मोठी धाड; नववर्षाच्या बेकायदा पार्टीवर राज्य उत्पादन शुल्क विभागाची कारवाई, ५२ जणांवर गुन्हे दाखल

Pune : विद्येचं माहेरघर असलेल्या पुण्यासारख्या शहरांमधून गुन्हेगारी प्रवृत्तीच्या घटना वाढत आहेत. तसेच बेकायदेशीररीत्या विविध धंदे सुरु आहेत. याप्रकरणात अनेकदा पोलिसांनी छापे टाकून बेकायदेशीर गोष्टींचा डाव उधळला आहे. तरीही अनेक जण बेकायदेशीररित्या दारू, अमली पदार्थांची तस्करी, पब यासारखे धंदे करतात. अशाच प्रकारच्या एका धंद्याचा विमाननगर पोलिसांनी पर्दाफाश केला आहे.

विमानगर परिसरातील एका पबमध्ये बेकायदा सुरू असलेल्या पार्टीवर राज्य उत्पादन शुल्क विभागाने शनिवारी पहाटे मोठी कारवाई केली आहे. याप्रकरणी महिला आणि पुरुष अशा पन्नास जणांना ताब्यात घेण्यात आले आहे. तर पब मालक अमरजित सिंग संयु याच्यासह दहा जणांवर गुन्हा दाखल करण्यात आला आहे.

Nagpur : किरकोळ वादाचा भीषण शेवट; दारूच्या नशेत शेजाऱ्याचा महिलेसह लेकीवर हल्ला, माय-लेकीची निर्घृण हत्या

द नॉयर पबमध्ये ही कारवाई करण्यात आली आहे. अधीक्षक अतुल कानडे आणि त्यांच्या पथकाने ही कारवाई केली आहे. येथून ३ लाख ६७ हजार रुपयांचा मुद्देमाल जप्त करण्यात आता आहे. नववर्षाच्या स्वागतासाठी शहरात मोठ्या पार्ट्यांचे आयोजन केले जाते. तर दुसरीकडे नियम डावलून अनेक ठिकाणी बेकायदा पार्ट्यांचे सुद्धा आयोजन केले जाते अशा पार्ट्यांवर लक्ष ठेवण्यासाठी उत्पादन शुल्क विभागाची २१ भरारी पथके तैनात करण्यात आल्याचे कानडे यांनी सांगितले .

विमाननगर परिसरात राज्य उत्पादन शुल्क विभागाचा कोणताही परवाना न घेता हॉटेल द नॉयर (रेड जंगल) एअरपोर्ट रोड, येथे पार्टी सुरू असल्याची माहिती अधीक्षक कानडे यांना मिळाली होती . त्यानुसार पथकाने छापा टाकला. यावेळी विदेशी मध्याच्या 178 बाटल्या मिळून आल्या. अवैध मद्य व्यवसाय चालू ठेवण्या वापरलेले साहित्य खुर्ची, सोफा, लाकडी टी पॉय, लोखंडी, स्पिकर, साऊंड, लॅपटॉप, एक संगणक, काचेचे ग्लास, फॉग मशीन इत्यादी साहित्य जप्त करण्यात आलो. वरीलप्रमाणे सदर गुन्हयामध्ये एकुण ५२ आरोपींवर कारवाई करण्यात आली त्यापैकी दोन आरोपी पब चालक व व्यवस्थापक यांचा शोध सुरु असून फरार घोषित करण्यात आले आहे.