Pune Crime: महिलेच्या पर्समध्ये सापडलं पिस्तुल अन् जिवंत काडतुसे, अघोरी पूजेसाठी...; पुणे एअरपोर्टवरुन ताब्यात

Pune : पुणे विमानतळावर एका महिलेच्या बॅगमध्ये पिस्तूल सापडले आहे.ही महिला विमानात जाताना हे पिस्तूल घेऊन जात होती. तपासणी करताना हा धक्कादायक प्रकार उघडकीस आला आहे.याप्रकरणी पोलिसांनी गुन्हा दाखल केला आहे.

वैशाली वैभव दोशी (वय ४४) ही महिला बॅगेतून पिस्तूल आणि जिवंत काडतुसे घेऊन जात होती. ती "अघोरी विद्येची" पूजा करायची. तिला एका माणसाने ही पिस्तूल दिली होती, असं तिने सांगितले.

महिलेच्या बॅगेतू फक्त पिस्तूल नव्हे तर जिवंत काडतुसेदेखील सापडली आहेत. पोलिसांनी पिस्तुल आणि काडतुसे जप्त केली आहेत. याप्रकरणी पुणे विमानतळ पोलिस ठाण्यात गुन्हा दाखल करण्यात आले आहे.

पोलिसांनी दिलेल्या माहितीनुसार, २३ सप्टेंबर रोजी दुपारी ४ वाजता पुणे विमानतळावर ही घटना घडली. वैशाली वैभव दोशी मूळची बारामतीची आहे. ती तंत्र विद्येचा व्यवसाय करते. ती पुण्यावरून इंदौरमार्गे दिल्लीला जात होती.

पुणे विमानतळावर बॅग तपासणीदरम्यान संशयास्पद "मेटल डिटेक्ट" झाल्याने सुरक्षा कर्मचाऱ्यांनी त्यांना थांबवले आणि बॅग उघडण्यास सांगितली. यावेळी तपासणी दरम्यान, त्यांच्या बॅग मध्ये १ पिस्तूल व जिवंत काडतुसे आढळून आले.

याप्रकरणी चौकशी केली असता त्यांना हे पिस्तूल त्यांच्या एका शिष्याने दिले होते आणि त्या जंगलात जाऊन पूजा करत असल्याने त्यांना याची गरज आहे असं त्यांनी पोलिसांना सांगितलं. अधिक चौकशीकेळी असता त्यांच्याकडे परवाना नसल्याचे स्पष्ट झालं आहे दोशी यांच्यावर विनापरवाना शस्त्र बाळगल्याप्रकरणी विमानतळ पोलिसांनी गुन्हा दाखल करण्यात आला आहे.