चाकणमध्ये कांदा बैठकीचा राजकीय आखाडा; शेतकरी प्रश्नावरून नेत्यांत जोरदार खडाजंगी!

चाकण : खेड कृषी उत्पन्न बाजार समितीच्या महात्मा फुले बाजार आवारात आज कांद्याच्या घसरलेल्या दराबाबत चर्चा करण्यासाठी आयोजित केलेली शेतकरी बैठक राजकीय वादाने चांगलीच गाजली. कांदा उत्पादक शेतकऱ्यांच्या समस्यांवर मार्ग काढण्यासाठी बोलावलेली ही बैठक काही वेळातच राजकीय नेत्यांमधील शाब्दिक चकमकीचे केंद्र बनली.

नेमके काय घडले? या बैठकीला खेडचे आमदार बाबाजी काळे, देवदत्त निकम, शेतकरी संघटनेचे प्रभाकर बांगर, सुभाष पवळे, गजानन गांडेकर, बाजार समितीचे सभापती विजय शिंदे यांच्यासह महाविकास आघाडीचे अनेक नेते व पदाधिकारी मोठ्या संख्येने उपस्थित होते. मात्र, बैठकीदरम्यान विविध शेतकरी संघटनांचे नेते आणि राजकीय प्रतिनिधी यांच्यात कांद्याला मिळणाऱ्या दरावरून आणि आंदोलनाच्या भूमिकेवरून तीव्र मतभेद निर्माण झाले.

हे मतभेद इतके विकोपाला गेले की, उपस्थित नेत्यांमध्ये शाब्दिक बाचाबाची झाली. परिस्थिती हाताबाहेर जात असल्याचे पाहून पोलिसांना हस्तक्षेप करावा लागला. या घटनेमुळे "ही शेतकरी बैठक होती की राजकीय आखाडा?" असा संतप्त सवाल उपस्थित उपस्थित शेतकऱ्यांकडून विचारला जात आहे. या प्रकारामुळे खऱ्या अर्थाने शेतकऱ्यांच्या मागण्यांकडे दुर्लक्ष झाल्याची चर्चा आता परिसरात रंगली आहे.

 

सविस्तर वाचा, लिंक कमेंट मध्ये : https://punenews24.in/