बॉलिवूड अभिनेता पंकज त्रिपाठींच्या कुटुंबावर मोठा संकट! मोठ्या भावावर धारदार शस्त्राने जीवघेणा हल्ला; प्रकृती अत्यंत चिंताजनक

पाटणा:बॉलिवूडचे प्रसिद्ध आणि राष्ट्रीय पुरस्कार विजेते अभिनेते पंकज त्रिपाठी (Pankaj Tripathi) यांच्या कुटुंबावर दुःखाचा डोंगर कोसळला आहे. बिहारमधील त्यांच्या मूळ गावी एका गंभीर वादातून पंकज त्रिपाठी यांचे मोठे भाऊ बिजेंद्र नाथ तिवारी (Bijendra Nath Tiwari) यांच्यावर अज्ञात हल्लेखोरांनी धारदार शस्त्रांनी जीवघेणा हल्ला केला आहे. या भीषण हल्ल्यामध्ये बिजेंद्र नाथ हे गंभीररित्या रक्तबंबाळ झाले असून त्यांची प्रकृती अत्यंत चिंताजनक आहे. त्यांना तातडीने पुढील उपचारासाठी पाटणा येथील पीएमसीएच (PMCH) रुग्णालयात दाखल करण्यात आले आहे.

 

 

जमीन आणि जुन्या वादातून घरात घुसून हल्ला

मिळालेल्या माहितीनुसार, ही धक्कादायक घटना बिहारमधील गोपालगंज जिल्ह्यातील बरौली आणि माधोपुर पोलीस ठाण्याच्या हद्दीत येणाऱ्या बेलसंड (Belsand) या गावामध्ये घडली आहे. रविवारी उशिरा संध्याकाळी बिजेंद्र नाथ तिवारी हे आपल्या घराच्या दरवाजापाशी बसून अंगणात माती भरण्याचे काम पाहत होते. त्याच वेळी जुन्या जमिनीच्या वादातून आणि वैयक्तिक रंजिशीतून शेजारी राहणाऱ्या काही लोकांनी मागून येऊन त्यांच्यावर कुऱ्हाड आणि धारदार शस्त्रांनी सपासप वार केले. हल्ल्यानंतर परिसरात एकच खळबळ आणि अफरातफरी उडाली. स्थानिक नागरिक आणि कुटुंबीयांना येताना पाहून सर्व संशयित आरोपी घटनास्थळावरून फरार झाले.

रुग्णालयात उपचार सुरू; पोलिसांकडून विशेष पथक तैनात

रक्तबंबाळ अवस्थेत असलेल्या बिजेंद्र नाथ यांना सुरुवातीला तातडीने गोपालगंज जिल्हा रुग्णालयात नेण्यात आले. मात्र, त्यांची ढासळती प्रकृती आणि गंभीर जखमा पाहता डॉक्टरांनी प्राथमिक उपचार करून त्यांना तात्काळ पाटणा येथे पुढील उपचारासाठी रेफर केले. या घटनेची माहिती मिळताच स्थानिक पोलीस प्रशासन तातडीने ॲक्शन मोडमध्ये आले आहे. प्रत्यक्षदर्शी आणि कुटुंबीयांच्या जबाबाच्या आधारे गुन्हा दाखल करण्यात आला असून पोलिसांनी आरोपींची ओळख पटवली आहे. सदर एसडीपीओ यांनी दिलेल्या माहितीनुसार, मुख्य आरोपीसह अन्य हल्लेखोरांना अटक करण्यासाठी पोलिसांनी विशेष पथक (Special Team) तयार केले असून ठिकठिकाणी छापेमारी सुरू आहे.

 

सविस्तर वाचा, लिंक कमेंट मध्ये https://punenews24.in/