वन नेशन, वन रेशन कार्ड'चा मोठा दिलासा! राज्यातील दुष्काळग्रस्त २६५ तालुक्यांमधून स्थलांतर करणाऱ्या नागरिकांना मिळणार मोफत धान्य

राज्यात दुष्काळामुळे गंभीर फटका बसलेल्या २६५ तालुक्यांमधील नागरिकांसाठी आणि शेतकरी-कामगार वर्गासाठी एक अत्यंत महत्त्वाची आणि दिलासादायक बातमी समोर आली आहे. दुष्काळजन्य परिस्थितीमुळे उपजीविकेच्या शोधात किंवा इतर कारणांमुळे या २६५ दुष्काळग्रस्त तालुक्यांमधून इतरत्र स्थलांतर करावयास लागलेल्या नागरिकांना आता 'वन नेशन, वन रेशन कार्ड' (One Nation, One Ration Card) या महत्त्वकांक्षी योजनेच्या माध्यमातून मोठा आर्थिक आधार मिळणार आहे. या योजनेअंर्तगत आता स्थलांतरित झालेल्या लाभार्थ्यांना देशात किंवा राज्याच्या इतर भागात कुठेही गेल्यावर त्यांचे हक्काचे मोफत अन्नधान्य सहज उपलब्ध करून दिले जाणार आहे.

राज्यातील तीव्र दुष्काळामुळे ग्रामीण भागातील अनेक कुटुंबे आणि तरुण रोजगार वा इतर कारणांसाठी स्थलांतर करत आहेत, ज्यामुळे त्यांच्या अन्न सुरक्षेचा मोठा प्रश्न निर्माण होतो. अशा गरजू आणि संकटग्रस्त नागरिकांची हेळसांड होऊ नये म्हणून शासन स्तरावर हा महत्त्वपूर्ण निर्णय घेण्यात आला आहे. 'वन नेशन, वन रेशन कार्ड' प्रणालीच्या माध्यमातून आता लाभार्थ्यांना त्यांच्या मूळ गावी असलेले रेशन कार्ड दुसऱ्या कोणत्याही जिल्ह्यात किंवा शहरात डिझिटल पद्धतीने वापरता येणार आहे. यामुळे दुष्काळग्रस्त भागातील नागरिकांना व मजुरांना मोठा दिलासा मिळणार असून, अन्नधान्यापासून कुणीही वंचित राहणार नाही याची खात्री प्रशासन करणार आहे. या निर्णयामुळे स्थलांतरित कामगारांना व त्यांच्या कुटुंबांना मोठा आधार लाभला आहे.