पुणे: रेल्वे यार्डात २ ऑगस्टला नऊ तासांचा ब्लॉक; ७ गाड्या रद्द, अनेक गाड्यांच्या वेळापत्रकात मोठे बदल

पुणे: मध्य रेल्वेच्या विभागाकडून प्रवाशांच्या सुरक्षेसाठी आणि रेल्वे रूळांच्या आधुनिकीकरणासाठी विविध तांत्रिक कामे हाती घेण्यात आली आहेत. यादरम्यान, पुणे-दौंड मार्गावरील डीडीएस पॉइंट क्रमांक २३२ आणि २२६ बदलून ६० किलो क्षमतेचे नवीन पॉईंट्स बसविण्याचे महत्त्वपूर्ण काम पुण्यात केले जाणार आहे.

या तांत्रिक कामांसाठी २ ऑगस्ट रोजी पुणे रेल्वे यार्डात तब्बल नऊ तासांचा विशेष ब्लॉक घेण्यात येणार आहे. या ब्लॉकमुळे रेल्वे प्रवाशांच्या वाहतुकीवर मोठा परिणाम होणार असून, अनेक लांब पल्ल्याच्या व उपनगरीय गाड्यांचे वेळापत्रक बदलण्यात आले आहे, तर काही गाड्या पूर्णपणे रद्द करण्यात आल्या आहेत.

रेल्वे प्रशासनाकडून मिळालेल्या सविस्तर माहितीनुसार, या मेगाब्लॉकच्या काळात प्रवाशांची गैरसोय होऊ नये म्हणून अगोदरच सूचना जारी करण्यात आली आहे. या कामामुळे पुणे स्थानकावरून सुटणाऱ्या आणि येणाऱ्या गाड्यांच्या नियमित वेळेत बदल करण्यात आले आहेत.

प्रशासनाने प्रवाशांना आवाहन केले आहे की, प्रवासाला निघण्यापूर्वी रेल्वेच्या अधिकृत पूछताछ प्रणालीवरून किंवा एनटीईएस (NTES) ॲपवरून आपल्या गाडीचे सुधारित वेळापत्रक आणि सद्यस्थिती तपासून घ्यावी, जेणेकरून प्रवासात कोणतीही अडचण निर्माण होणार नाही. या विकासकामामुळे भविष्यात रेल्वे प्रवास अधिक सुरक्षित आणि सुरळीत होण्यास मदत होणार आहे.