अहिल्यानगर : पारनेर तालुक्यातील देविभोयरे गावच्या सरपंचांचा निघोज ग्रामस्थ व मळगंगा ट्रस्टकडून जंगी सत्कार!

अहिल्यानगर: जिल्ह्यातील पारनेर तालुक्यातील देविभोयरे गावचे कार्यक्षम सरपंच अशोकराव मुळे यांना नुकताच लोकमत वृत्त समूहाच्या वतीने जिल्हास्तरीय आदर्श सरपंच पुरस्कार तसेच एम. पी. बिरला आदर्श सरपंच पुरस्कार प्रदान करण्यात आला. जिल्ह्याचे पालकमंत्री ना. राधाकृष्ण विखे पाटील यांच्या हस्ते हा सन्मान देण्यात आला.

या दुहेरी सन्मानामुळे देविभोयरे गावाचे नाव केवळ तालुक्यातच नव्हे तर जिल्हाभरात उंचावले आहे. गावात केलेल्या विकासकामांमुळे आणि आदर्श नेतृत्वामुळे पंचक्रोशीतील नागरिक, पदाधिकारी आणि विविध क्षेत्रातील मान्यवरांकडून अशोकराव मुळे यांच्यावर अभिनंदनाचा वर्षाव होत आहे.

याच पार्श्वभूमीवर आज निघोज ग्रामस्थ आणि मळगंगा ट्रस्टच्या वतीने सरपंच अशोकराव मुळे यांचा विशेष सत्कार सोहळा आयोजित करण्यात आला.

यावेळी मळगंगा ट्रस्टचे कार्याध्यक्ष वसंतराव कवाद, उपाध्यक्ष अमृता रसाळ, माजी सरपंच ठकाराम लंके, उद्योजक शिवाजीराव लंके, रमेश ढवळे, कांदा व्यापारी संतोष रसाळ, बबनराव ससाणे, विठ्ठल कवाद, पत्रकार भास्कर कवाद, मंगेश वराळ, माजी सदस्य सुभाष बेलोटे, विठ्ठल सरडे, कचर निचित, संपतराव वाळुंज, जयवंतराव मुळे, सत्यवान बेलोटे, प्रकाश मोरे, बाळासाहेब बेलोटे, वसंत गायकवाड, अनिल बेलोटे, वैभव बेलोटे, सुरेश वाढवणे, गणेश बेलोटे, जगन्नाथ मगर, गोपीचंद गाजरे, तेजस मगर, अक्षय तोडकर, पत्रकार विनोद साळवे यांच्यासह ट्रस्टचे पदाधिकारी आणि ग्रामस्थ मोठ्या संख्येने उपस्थित होते.

देविभोयरेच्या विकासासाठी केलेल्या कामांची ही पोचपावती असल्याची भावना यावेळी उपस्थितांनी व्यक्त केली.